Taiaýda «Canon» kompaniiasy ÓzgeEpic kreativ habynyń qoldaýymen Oral qalasynda «Kórinbeitin álem» atty bederli fotokórme usyndy, - dep habarlaidy Dalanews.kz
Dúniejúzilik densaýlyq saqtaý uiymynyń málimeti boiynsha, álemde 2,2 milliardtan astam adam ártúrli kórý kemshilikterimen ómir súredi. Al olardyń basym kópshiligi úshin fotografiia, vizýal álemi múldem túsiniksiz. Qazaqstanda shamamen 160 myń adam osyndai shekteýlermen ómir súrýde. «Kózge kórinbes álem» kórmesi kórý qabiletine qaramastan, ónerge qol jetkizýdi qamtamasyz etý arqyly osy kedergilerdi joiýǵa umtylady.
Kórmeniń maqsaty – óner jáne jańa tehnologiialardyń kómegimen kórmei-aq, sezý jáne estý qabileti arqyly qabyldaýǵa bolatyn jańa tanym keńistigin qalyptastyrý.
Ekspozitsiiada tanymal fotograftardyń bederli sýretteri, dybystyq sipattamalary jáne Brail qarpimen jazylǵan mátinder usynyldy. Bul – kórý qabileti shekteýli jandardyń beineni seziný arqyly qabyldaýyna múmkindik beredi. Bul inkliýzivti qoǵamǵa qarai mańyzdy qadam jasai otyryp, zamanaýi óner men tehnologiialar arqyly shekaralardy joiýǵa umtylatyn, kórý qabileti qalypty adamdar men kórý qabileti shekteýli jandardy biriktiretin erekshe alań.
«Canon» kompaniiasy sýretterdiń álemdi ózgertýge qabiletti ekenine senedi, al «Kózge kórinbes álem» kórmesi innovatsiialar arqyly ónerdi bárine qoljetimdi etýge bolatyndyǵynyń jarqyn úlgisi. Zamanaýi baspa tehnologiialary beinelerdi taktildi túrde “kórýge” múmkindik beredi, bul kórý qabileti nashar adamdar úshin qabyldaýdyń jańa kókjiekterin ashady», – dedi «Canon» kompaniiasynyń ókili.
Kózge kórinbeitin álem – ónerdi seziný tásilderin keńeitý arqyly inkliýzivti qoǵam qurýǵa qosqan úlken joba.
«Bul kórme – bizdiń qoǵamdaǵy árbir adamnyń ónerdi sezinip, onyń qýatyn qabyldaýyna múmkindik beretin mańyzdy qadam. ÓzgeEpic habyndaǵy jumysymyzdyń ózegi de – kreativti sheshimder arqyly barshaǵa ortaq, qoljetimdi orta qalyptastyrý. Canon kompaniiasymen birlesip qolǵa alynǵan bul joba — kreativ pen tehnologiianyń adam janyna jol taba alatynyn kórsetetin jarqyn mysal. Kórme Oral qalasynda ornalasqan keńistigimizde bir ai boiy qala qonaqtary men turǵyndarynyń nazaryna usynylady», – dep atap ótti ÓzgeEpic kreativ habynyń negizin qalaýshy Toǵjan Qurmanjanqyzy.
