Armeniiada ótip jatqan Qazaqstannyń mádeni kúnderi aiasynda Erevan qalasynda Abai Qunanbaiuly atyndaǵy saiabaqtyń saltanatty ashylýy ótti. Aitýly oqiǵa Memleket basshysy Qasym-Jomart Toqaevtyń Erevanǵa jasaǵan resmi sapary barysynda qol jetkizilgen memleketter basshylary arasyndaǵy kelisim nátijesinde júzege asty, dep habarlaidy Dalanews.kz.
Saltanatty is-sharaǵa Qazaqstan Respýblikasynyń resmi delegatsiiasyn bastap barǵan QR Mádeniet jáne aqparat ministri Aida Balaeva, Armeniia Respýblikasynyń Bilim, ǵylym, mádeniet jáne sport ministri Janna Andreasian, Erevan qalasy meriniń birinshi orynbasary Armen Pambýhchian, Qazaqstan Respýblikasynyń Armeniia Respýblikasyndaǵy Tótenshe jáne Ókiletti Elshisi Bolat Imanbaev, sondai-aq qos eldiń ziialy qaýym ókilderi, jergilikti turǵyndar men armian astanasynyń qonaqtary qatysty.
Saiabaqtyń ashylý saltanatynda qysqasha sóz sóilegen Aida Balaeva Armeniia biligine jáne jobanyń júzege asýyna atsalysqan barlyq azamattarǵa alǵysyn bildirdi. Ministr bul oqiǵanyń eki el arasyndaǵy mádeni yntymaqtastyqtyń jańa kezeńin bildiretinin atap ótti.
– Biz búgin tarihi oqiǵanyń kýási bolyp otyrmyz. Armeniia astanasynda qazaqtyń uly aqyny ári oishyly Abai Qunanbaiulyna arnalǵan saiabaq ashyldy.
Qazaqstan Respýblikasynyń Prezidenti Qasym-Jomart Toqaev Armeniia Respýblikasyna resmi sapary aiasynda Astana qalasyndaǵy bir kóshege armian álipbiiniń negizin qalaýshy Mesrop Mashtots esimin berý týraly ekijaqty kelisim jasalǵany belgili.
Búgin biz sol kelisimniń, dostyq pen tyǵyz mádeni bailanystardyń aiqyn kórinisine ainalǵanyn kórip otyrmyz, – dedi QR Mádeniet jáne aqparat ministri.
Saltanatty is-shara aiasynda Qazaqstan men Armeniia ministrleri eki el arasyndaǵy mádeni bailanystardyń tamyry tereńdep, bolashaqta odan ári nyǵaia túsetininiń nyshany retinde saiabaqqa aǵash otyrǵyzdy.
Aita keteiik, Abaiǵa arnalǵan eskertkishter, biýstter men memorialdyq taqtalar álemniń ondaǵan elinde – Bosniia jáne Gertsegovina, Germaniia, Grýziia, Iran, Koreia, Qytai, Qyrǵyzstan, Vengriia, Egipet, Ózbekstan, Rýmyniia, Túrkiia, Túrikmenstan, Frantsiia, Shveitsariia jáne Tatarstanda (Resei) ornatylǵan.
Merekelik is-shara sońy Abai Qunanbaiulynyń «Segiz aiaq» shyǵarmasyn oryndaǵan Qazaqstannyń dombyrashylar ansambli men Avan Mádeniet úiiniń jas ónerpazdarynyń kontsertimen jalǵasty. Sonymen qatar qonaqtar qazaq halqynyń ulttyq mádenietimen, zamanaýi ádebietimen jáne dástúrli taǵamdarymen tanysty.
Búgin ministr Aida Balaeva bastaǵan qazaqstandyq delegatsiia Mesrop Mashtots atyndaǵy kóne qoljazbalar ǵylymi-zertteý institýty – Matenadaranǵa baryp, armian halqynyń ejelgi jazba murasymen, onyń ishinde armian álipbiiniń negizin qalaýshynyń qoltańbasy bar delinetin manýskripttermen tanysty.
Mádeni kúnder búgin Erevan qalasyndaǵy Aram Hachatýrian atyndaǵy ortalyq kontsert zalynda ótetin gala-kontsertpen qorytyndylanady.
