Seısenbi tańynda munaıdyń naryqtaǵy baǵasy geosaıası jaǵdaıdyń ýshyǵýyna baılanysty óse tústi,- dep habarlaıdy Dalanews.kz
Máskeý ýaqytymen 8:10-da Londondaǵy ICE Futures bırjasynda qarasha aıyndaǵy Brent markaly munaı fúchersteri barel úshin $0,14-qa (0,21%) ósip, $67,58 boldy. Dúısenbide Brent baǵasy $0,45-qa (0,67%) kóterilip, $67,44-ke jetken edi.
Sol ýaqytta Nú-Iork taýar bırjasynyń (NYMEX) elektrondy saýdasynda qazan aıyndaǵy WTI markaly munaı fúchersteri $0,16-ǵa (0,25%) qymbattap, barel úshin $63,46 boldy. Buǵan deıingi sesıada bul kelisimshart $0,61-ge (0,97%) ósip, $63,3 bolǵan.
Eske salaıyq, baǵanyń kóterilýine birqatar geosaıası faktor áser etýde. Izraıl qorǵanys armıasy Gazany baqylaýǵa alý úshin qurlyqtaǵy shabýyldy bastady. Qorǵanys mınıstri Israel Kastyń aıtýynsha, operasıanyń basty maqsaty – HAMAS uıymyn tolyq talqandaý jáne tutqyndardy bosatý. Palestınalyq BAQ 15 qyrkúıek keshinde Gazanyń bombalaýǵa ushyraǵanyn jáne qalaǵa ızraıldik tankter kirgenin habarlady.
Sonymen qatar, ınvestorlar Reseıdiń energetıkalyq ınfraqurylymyna Ýkraına jasaǵan soqqylardan keıin jáne AQSH-tyń reseılik munaıdy satyp alýshylarǵa qysymynan soń, munaı jetkiziliminde úzilis bolýy múmkin dep alańdaýly. 13 qyrkúıekte AQSH prezıdenti Donald Tramp Máskeýge qatań sanksıalar engizýge daıyn ekenin, alaıda oǵan NATO-ǵa múshe barlyq elderdiń kelisimi jáne reseılik munaıdan tolyq bas tartýy qajet ekenin málimdedi.
