«Alataý Jaryq Kompaniiasy» AQ-nyń «Energosbyt» filialy 2025 jylǵy 1 qazannan bastap elektr energiiasynyń shekti baǵasyn arttyrý jobasyn kelisýge usyndy. Bul týraly kompaniianyń resmi málimdemesinde aityldy,- dep habarlaidy Dalanews.kz
Jańa tarif jobasy «Qoǵamdyq mańyzy bar naryqtardaǵy baǵa belgileý qaǵidalaryna» jáne Qazaqstan Respýblikasynyń Kásipkerlik kodeksine sáikes ázirlengen.
Kompaniia baǵa ósýiniń negizgi sebepterin atady:
- 2025 jylǵy 1 tamyzdan bastap aimaqtyq deńgeidegi jeliler boiynsha elektr energiiasyn jetkizý tarifi 12,96 teńgeden 14,25 teńgege/kVts deiin kóterildi;
- 2025 jylǵy 1 qazannan bastap ótemdik tarif engizilmek – 13,99 teńge/kVts;
- 2025 jylǵy 1 sáýirden bastap «Qazaqstan temir joly» UK» AQ jelileri boiynsha tarif 3,66 teńgeden 5,41 teńgege/kVts deiin (48%-ǵa) ósti.
"Qazirgi ýaqytta jańa tarif áli bekitilgen joq. Ótinim Tabiǵi monopoliialardy retteý komitetiniń Departamentinde qaralýda. Resmi jaýap 10 kún ishinde jariialanady", - dedi Alataý Jaryq Kompaniiasynda.
Usynylyp otyrǵan shekti tarif (QQS-syz):
- Jalpy shekti baǵa – 38,01 teńge/kVts.
- Tutyný normalary boiynsha:
- 1-deńgei – 30,39 teńge/kVts
- 2-deńgei – 40,32 teńge/kVts
- 3-deńgei – 50,40 teńge/kVts
- Tutynýshylar toptary boiynsha:
- Turmystyq tutynýshylar – 33,60 teńge/kVts
- Beirezidenttik tutynýshylar – 38,01 teńge/kVts
- Memlekettik biýdjet esebinen qarjylandyrylatyn zańdy tulǵalar – 74,55 teńge/kVts
- SZT, SEZ, AP RK qatysýshylary – 38,01 teńge/kVts
Eske salaiyq, qazir elektr energiiasy úshin shekti tarif (QQS-syz) - 31,85 teńge. Demek, bul joba qabyldanǵan jaǵdaida Almaty jáne Almaty oblysynda jaryq baǵasy 19,3%-ǵa qymbattaidy.
