Soltústik Qazaqstan oblysynda politsiia qyzmetkerin balaǵattaǵan áiel sot sheshimimen 400 myń teńge tóleýge mindetteldi, dep habarlaidy dalanews.kz.
Halyqstan telegram arnasynyń málimetinshe, oqiǵa Petropavldaǵy "Kristall" monshasynda bolǵan. Iavlenka aýylynyń turǵyny Natalia Trýshnikova burynǵy kúieýi jáne tanystarymen demalyp otyrǵan kezde janjal shyǵarǵan.
Is materialdaryna sáikes, áiel aldymen burynǵy jubaiymen, keiin monsha ákimshisimen sózge kelgen. Keiin oqiǵa ornyna politsiia shaqyrylǵan.
Politsiia qyzmetkerleri áieldi meditsinalyq kýálandyrýǵa alyp ketpek bolǵan sátte, ol tártip saqshysyn balaǵattap, beiádep sózder aitqan.
Sotta áiel kinásin moiyndap, keshirim suraǵan. Sondai-aq jumyssyz ekenin jáne kámeletke tolmaǵan balasy baryn aitqan.
Nátijesinde sot ony bilik ókilin qorlady dep tanyp, 40 saǵat qoǵamdyq jumysqa tartty. Alaida bul jaza buǵan deiingi qoǵamdyq jumys saǵattaryna qosyldy.
Sonymen qatar sot sheshimimen áielden politsiia qyzmetkeriniń paidasyna 200 myń teńge moraldyq ótemaqy jáne advokat qyzmeti úshin taǵy 200 myń teńge óndiriletin boldy.
