سولتٷستٸك قازاقستان وبلىسىندا پوليتسييا قىزمەتكەرٸن بالاعاتتاعان ەيەل سوت شەشٸمٸمەن 400 مىڭ تەڭگە تٶلەۋگە مٸندەتتەلدٸ, دەپ حابارلايدى dalanews.kz.
Halyqstan تەلەگرام ارناسىنىڭ مەلٸمەتٸنشە, وقيعا پەتروپاۆلداعى "كريستالل" مونشاسىندا بولعان. ياۆلەنكا اۋىلىنىڭ تۇرعىنى ناتاليا ترۋشنيكوۆا بۇرىنعى كٷيەۋٸ جەنە تانىستارىمەن دەمالىپ وتىرعان كەزدە جانجال شىعارعان.
ٸس ماتەريالدارىنا سەيكەس, ەيەل الدىمەن بۇرىنعى جۇبايىمەن, كەيٸن مونشا ەكٸمشٸسٸمەن سٶزگە كەلگەن. كەيٸن وقيعا ورنىنا پوليتسييا شاقىرىلعان.
پوليتسييا قىزمەتكەرلەرٸ ەيەلدٸ مەديتسينالىق كۋەلاندىرۋعا الىپ كەتپەك بولعان سەتتە, ول تەرتٸپ ساقشىسىن بالاعاتتاپ, بەيەدەپ سٶزدەر ايتقان.
سوتتا ەيەل كٸنەسٸن مويىنداپ, كەشٸرٸم سۇراعان. سونداي-اق جۇمىسسىز ەكەنٸن جەنە كەمەلەتكە تولماعان بالاسى بارىن ايتقان.
نەتيجەسٸندە سوت ونى بيلٸك ٶكٸلٸن قورلادى دەپ تانىپ, 40 ساعات قوعامدىق جۇمىسقا تارتتى. الايدا بۇل جازا بۇعان دەيٸنگٸ قوعامدىق جۇمىس ساعاتتارىنا قوسىلدى.
سونىمەن قاتار سوت شەشٸمٸمەن ەيەلدەن پوليتسييا قىزمەتكەرٸنٸڭ پايداسىنا 200 مىڭ تەڭگە مورالدىق ٶتەماقى جەنە ادۆوكات قىزمەتٸ ٷشٸن تاعى 200 مىڭ تەڭگە ٶندٸرٸلەتٸن بولدى.
