«الاتاۋ جارىق كومپانياسى» اق-نىڭ «ەنەرگوسبىت» فيليالى 2025 جىلعى 1 قازاننان باستاپ ەلەكتر ەنەرگياسىنىڭ شەكتى باعاسىن ارتتىرۋ جوباسىن كەلىسۋگە ۇسىندى. بۇل تۋرالى كومپانيانىڭ رەسمي مالىمدەمەسىندە ايتىلدى،- دەپ حابارلايدى Dalanews.kz
جاڭا تاريف جوباسى «قوعامدىق ماڭىزى بار نارىقتارداعى باعا بەلگىلەۋ قاعيدالارىنا» جانە قازاقستان رەسپۋبليكاسىنىڭ كاسىپكەرلىك كودەكسىنە سايكەس ازىرلەنگەن.
كومپانيا باعا ءوسۋىنىڭ نەگىزگى سەبەپتەرىن اتادى:
- 2025 جىلعى 1 تامىزدان باستاپ ايماقتىق دەڭگەيدەگى جەلىلەر بويىنشا ەلەكتر ەنەرگياسىن جەتكىزۋ ءتاريفى 12،96 تەڭگەدەن 14،25 تەڭگەگە/كۆتس دەيىن كوتەرىلدى؛
- 2025 جىلعى 1 قازاننان باستاپ وتەمدىك تاريف ەنگىزىلمەك – 13،99 تەڭگە/كۆتس؛
- 2025 جىلعى 1 ساۋىردەن باستاپ «قازاقستان تەمىر جولى» ۇك» اق جەلىلەرى بويىنشا تاريف 3،66 تەڭگەدەن 5،41 تەڭگەگە/كۆتس دەيىن (48%-عا) ءوستى.
"قازىرگى ۋاقىتتا جاڭا تاريف ءالى بەكىتىلگەن جوق. ءوتىنىم تابيعي مونوپوليالاردى رەتتەۋ كوميتەتىنىڭ دەپارتامەنتىندە قارالۋدا. رەسمي جاۋاپ 10 كۇن ىشىندە جاريالانادى"، - دەدى الاتاۋ جارىق كومپانياسىندا.
ۇسىنىلىپ وتىرعان شەكتى تاريف (ققس-سىز):
- جالپى شەكتى باعا – 38،01 تەڭگە/كۆتس.
- تۇتىنۋ نورمالارى بويىنشا:
- 1-دەڭگەي – 30،39 تەڭگە/كۆتس
- 2-دەڭگەي – 40،32 تەڭگە/كۆتس
- 3-دەڭگەي – 50،40 تەڭگە/كۆتس
- تۇتىنۋشىلار توپتارى بويىنشا:
- تۇرمىستىق تۇتىنۋشىلار – 33،60 تەڭگە/كۆتس
- بەيرەزيدەنتتىك تۇتىنۋشىلار – 38،01 تەڭگە/كۆتس
- مەملەكەتتىك بيۋدجەت ەسەبىنەن قارجىلاندىرىلاتىن زاڭدى تۇلعالار – 74،55 تەڭگە/كۆتس
- سزت، سەز، اپ رك قاتىسۋشىلارى – 38،01 تەڭگە/كۆتس
ەسكە سالايىق، ءقازىر ەلەكتر ەنەرگياسى ءۇشىن شەكتى تاريف (ققس-سىز) - 31،85 تەڭگە. دەمەك، بۇل جوبا قابىلدانعان جاعدايدا الماتى جانە الماتى وبلىسىندا جارىق باعاسى 19،3%-عا قىمباتتايدى.
