Astanada Arýjan Bishimbaeva men Aitbek Amangeldi arasyndaǵy sot daýy qaraldy, dep habarlaidy dalanews.kz.
Arýjan Bishimbaeva – burynǵy ulttyq ekonomika ministri, 24 jylǵa sottalǵan Qýandyq Bishimbaevtyń qaryndasy. Al Aitbek Amangeldi – Qýandyq Bishimbaevpen azamattyq nekede bolǵan marqum Saltanat Núkenovanyń aǵasy.
Eki tarap arasyndaǵy daý Aitbek Amangeldiniń «Ee zvali Saltanat» kitabyn shyǵarǵanynan keiin bastalǵan. 2025 jyldyń qarashasynda Arýjan Bishimbaeva Instagram paraqshasynda Aitbek Amangeldige qatysty pikir jazǵan.
Jazbada ol kitaptyń satylymyna qatysty oiyn bildirip, Aitbek pen onyń týystaryna syn aitqan. Sondai-aq Bishimbaevtyń atyn atap, birneshe suhbat berip, osy arqyly tanymaldyq jinap júr degen mazmundaǵy pikir qaldyrǵan.
Osydan keiin Aitbek Amangeldi atalǵan jazbalar óziniń ar-namysy men iskerlik bedeline nuqsan keltirdi dep eseptep, sotqa júgingen.
Sot taraptardyń ýájin tyńdai kele, Arýjan Bishimbaevany áleýmettik jelide jazǵan pikirin joqqa shyǵarýǵa mindettedi. Sonymen qatar ol Aitbek Amangeldige moraldyq ziian úshin 100 myń teńge tóleýi tiis.
Budan bólek, sot Arýjan Bishimbaevaǵa is boiynsha 1 127 000 teńge kólemindegi shyǵyndy óteýdi mindettedi.
