Reseidiń Krasnodar ólkesindegi Gýlkevichi qalasynyń №1 mektebinde toǵyzynshy synyp oqýshysy pnevmatikalyq qarýdan oq atty. Saldarynan eki oqýshy jaraqat alǵan, dep habarlaidy dalanews.kz.
Reseilik BAQ-tardyń málimetinshe, mektep ǵimaratynyń ishinde bolǵan. Zardap shekken balalar aýrýhanaǵa jetkizilgen. Dárigerler olardyń jaǵdaiyn qanaǵattanarlyq dep baǵalap otyr.
Oqiǵadan keiin jasóspirim qashyp ketýge áreket jasaǵan. Alaida politseiler ony mektep mańynda ustap alǵan.
Krasnodar ólkesiniń gýbernatory aimaqtyq Densaýlyq saqtaý ministrligi mektepke psihologtar jibergenin málimdedi. Mamandar oqýshylar men olardyń ata-analaryna psihologiialyq kómek kórsetedi.
Qazir bilik ókilderi jasóspirimniń qarýdy mektep aýmaǵyna qalai alyp kirgenin anyqtap jatyr.
Krasnodar ólkesiniń gýbernatory Veniamin Kondratev mektep basshylyǵy men kúzet uiymynyń jumysyna tekserý júrgiziletinin aitty.
Sonymen qatar óńirlik Bilim ministrliginiń arnaiy komissiiasy mýnitsipalitetke jiberilgen.
