Qazaqstan Respýblikasy Mádeniet jáne aqparat ministriniń buiryǵymen Muqajan Álisher Qýatuly Aqparat komiteti tóraǵasy qyzmetine taǵaiyndaldy. Bul týraly Úkimettiń Baspasóz qyzmeti málimdedi,- dep habarlaidy Dalanews.kz
Álisher Muqajan 1992 jyly 11 jeltoqsanda dúniege kelgen. Bilimi boiynsha zańger ári halyqaralyq ekonomist. 2015 jyly ál-Farabi atyndaǵy Qazaq ulttyq ýniversitetin «quqyqtaný» mamandyǵy boiynsha támamdady. 2016 jyly D. Qonaev atyndaǵy Eýraziia zań akademiiasynda quqyq magistri dárejesin aldy. 2019 jyly «Turan» ýniversitetin halyqaralyq ekonomika mamandyǵy boiynsha bitirdi.
Eńbek jolyn 2015–2016 jyldary jeke qurylymdarda bastaǵan. 2017 jyldan bastap memlekettik qyzmetke kelip, Din isteri jáne azamattyq qoǵam ministrliginiń quramyndaǵy Halyqaralyq mádeniet jáne din ortalyǵynda aǵa sarapshy, sondai-aq ministrliktiń baspasóz qyzmetinde jumys istedi.
2019–2023 jyldary Aqparat jáne qoǵamdyq damý ministrliginiń buqaralyq aqparat quraldarymen ózara is-qimyl departamentinde sarapshy, keiin memlekettik saiasat departamenti direktorynyń orynbasary qyzmetterin atqardy.
2023 jyldyń jeltoqsanynan beri Mádeniet jáne aqparat ministrliginiń Aqparat komiteti tóraǵasynyń orynbasary bolyp qyzmet etken. Endi osy komitettiń tóraǵasy laýazymyna taǵaiyndaldy.
