Almaty ákimi Darhan Satybaldy «Taza Qazaqstan» baǵdarlamasynyń oryndalýy, qalanyń sanitarlyq jaǵdaiy, abattandyrý jáne ekologiialyq is-sharalar boiynsha keńes ótkizdi. Jiynda ekologiia jáne qorshaǵan orta basqarmasy, aýdan ákimderi men tiisti qyzmet basshylarynyń esepteri tyńdaldy,- dep habarlaidy Dalanews.kz
Almaly aýdanynda kúndelikti kóshe tazalyǵyna jumysshylar men arnaiy tehnika jumyldyrylýda. Merdiger uiymdar 400-den astam aýlaǵa qaraidy. Saiabaq pen alleialar tazartylyp, konteiner alańdary jóndelip, syrlanyp jatyr. Býferlik aimaqtarǵa 67 myńnan astam buta otyrǵyzylyp, avtosýarý júiesi iske qosylǵan.
Jetisý aýdanynda 269 kóshe men 300-den astam aýla tazalyq jáne abattandyrý jumystary jalǵasyp jatyr. Qazir Esentai ózeniniń jaǵalaýy jóndelip, injenerlik jeliler jańartylýda. Ǵimarat qasbetterine jaryq qoiylyp, júrginshiler ótkelderindegi kótergishter aýystyrylyp jatyr. Aýdan ákimdigi ruqsatsyz saýdaǵa jáne tártip buzýshylyqqa da baqylaý kúsheitken.
Qala aýdandarynda turǵyndar, jastar, eriktiler men kásipkerler birge shyǵyp senbilik ótkizýde. Sonyń nátijesinde ondaǵan tonna qoqys shyǵarylyp, kósheler kógaldandyrylyp jatyr.
TazaQazBot qosymshasy arqyly almatylyqtar tazalyq, qoqys shyǵarý, jol jóndeý, kógaldandyrý máseleleri jóninde habarlap keledi. Qyrkúiektiń ózinde 400-den asa, al jyl basynan beri 6,5 myńnan kóp ótinish túsken.
Ákim Darhan Satybaldy aýdandarǵa kóshe men aýlanyń tazalyǵyn kúsheitýdi, turǵyndarmen birge senbilikti turaqty ótkizip turýdy tapsyrdy. Sondai-aq ótinishterge jedel jaýap berýdi, abattandyrý jumysyn ýaqytynda bitirýdi, avtosýarý júiesin jolǵa qoiýdy, aǵash otyrǵyzýdy baqylaý jáne zańsyz saýdany toqtatýdy mindettedi.
