الماتى ەكٸمٸ دارحان ساتىبالدى «تازا قازاقستان» باعدارلاماسىنىڭ ورىندالۋى, قالانىڭ سانيتارلىق جاعدايى, اباتتاندىرۋ جەنە ەكولوگييالىق ٸس-شارالار بويىنشا كەڭەس ٶتكٸزدٸ. جيىندا ەكولوگييا جەنە قورشاعان ورتا باسقارماسى, اۋدان ەكٸمدەرٸ مەن تيٸستٸ قىزمەت باسشىلارىنىڭ ەسەپتەرٸ تىڭدالدى,- دەپ حابارلايدى Dalanews.kz
المالى اۋدانىندا كٷندەلٸكتٸ كٶشە تازالىعىنا جۇمىسشىلار مەن ارنايى تەحنيكا جۇمىلدىرىلۋدا. مەردٸگەر ۇيىمدار 400-دەن استام اۋلاعا قارايدى. ساياباق پەن اللەيالار تازارتىلىپ, كونتەينەر الاڭدارى جٶندەلٸپ, سىرلانىپ جاتىر. بۋفەرلٸك ايماقتارعا 67 مىڭنان استام بۇتا وتىرعىزىلىپ, اۆتوسۋارۋ جٷيەسٸ ٸسكە قوسىلعان.
جەتٸسۋ اۋدانىندا 269 كٶشە مەن 300-دەن استام اۋلا تازالىق جەنە اباتتاندىرۋ جۇمىستارى جالعاسىپ جاتىر. قازٸر ەسەنتاي ٶزەنٸنٸڭ جاعالاۋى جٶندەلٸپ, ينجەنەرلٸك جەلٸلەر جاڭارتىلۋدا. عيمارات قاسبەتتەرٸنە جارىق قويىلىپ, جٷرگٸنشٸلەر ٶتكەلدەرٸندەگٸ كٶتەرگٸشتەر اۋىستىرىلىپ جاتىر. اۋدان ەكٸمدٸگٸ رۇقساتسىز ساۋداعا جەنە تەرتٸپ بۇزۋشىلىققا دا باقىلاۋ كٷشەيتكەن.
قالا اۋداندارىندا تۇرعىندار, جاستار, ەرٸكتٸلەر مەن كەسٸپكەرلەر بٸرگە شىعىپ سەنبٸلٸك ٶتكٸزۋدە. سونىڭ نەتيجەسٸندە ونداعان توننا قوقىس شىعارىلىپ, كٶشەلەر كٶگالداندىرىلىپ جاتىر.
TazaQazBot قوسىمشاسى ارقىلى الماتىلىقتار تازالىق, قوقىس شىعارۋ, جول جٶندەۋ, كٶگالداندىرۋ مەسەلەلەرٸ جٶنٸندە حابارلاپ كەلەدٸ. قىركٷيەكتٸڭ ٶزٸندە 400-دەن اسا, ال جىل باسىنان بەرٸ 6,5 مىڭنان كٶپ ٶتٸنٸش تٷسكەن.
ەكٸم دارحان ساتىبالدى اۋداندارعا كٶشە مەن اۋلانىڭ تازالىعىن كٷشەيتۋدٸ, تۇرعىندارمەن بٸرگە سەنبٸلٸكتٸ تۇراقتى ٶتكٸزٸپ تۇرۋدى تاپسىردى. سونداي-اق ٶتٸنٸشتەرگە جەدەل جاۋاپ بەرۋدٸ, اباتتاندىرۋ جۇمىسىن ۋاقىتىندا بٸتٸرۋدٸ, اۆتوسۋارۋ جٷيەسٸن جولعا قويۋدى, اعاش وتىرعىزۋدى باقىلاۋ جەنە زاڭسىز ساۋدانى توقتاتۋدى مٸندەتتەدٸ.
