بٷگٸن الاكٶل جاعالاۋىندا بيىلعى تۋريستٸك ماۋسىمنىڭ رەسمي اشىلۋىنا ارنالعان «الاكٶل الاۋلارى – 2026» فەستيۆالٸ ٶتتٸ. اۋقىمدى شاراعا وبلىس ەكٸمٸ بەرٸك ۋەلي قاتىسىپ, تۇرعىندار مەن دەمالۋشىلاردى تۋريستٸك ماۋسىمنىڭ اشىلۋىمەن قۇتتىقتادى, دەپ حابارلايدى dalanews.kz.
ايماق باسشىسى الاكٶلدٸڭ تابيعي ەرەكشەلٸگٸ مەن تاريحي ماڭىزىنا توقتالىپ, كٶلدٸڭ بٷگٸندە ەلٸمٸزدٸڭ عانا ەمەس, شەتەلدٸك تۋريستەر دە قىزىعۋشىلىق تانىتاتىن بٸرەگەي دەمالىس ورنىنا اينالعانىن اتاپ ٶتتٸ.
«سوناۋ ەستە جوق ەسكٸ زامانداردان سۇلۋلىقتىڭ سيمۆولى, دالامىزدىڭ ەڭ بٸر ەستە قالار كٶركەم نٷكتەسٸ رەتٸندە عالىمدار مەن ساياحاتشىلاردىڭ, جيھانگەزدەردٸڭ جازبالارىندا تۇتاس ازييا مەن ەۋروپاعا اتى كەتكەن داڭقتى مەكەن الاكٶل. بٷگٸندە الاكٶل ەلٸمٸزدٸڭ تٷپكٸر-تٷپكٸرٸنەن عانا ەمەس, كٶرشٸلەس مەملەكەتتەر مەن الىس شەت ەلدەردەن تۋريستەر اعىلىپ كەلەتٸن ۇيىق مەكەن, جان تىنىشتىعىن سىيلايتىن قايىرلى قونىسقا اينالدى. «الاكٶل الاۋلارى» فەستيۆالٸ بيىل تۇڭعىش رەت ٶتكٸزٸلٸپ وتىر. بٷگٸنگٸ شاراعا قازاقستاننىڭ حالىق ەرتٸسٸ سەكەن تۇرىسبەك باستاعان ەلٸمٸزدٸڭ ماڭدايالدى ٶنەرپازدارى, بٷگٸنگٸ جاس تولقىننىڭ دارىندى داۋىلپازدارى ارنايى كەلدٸ. بارشاڭىزدى ەلٸمٸزدٸڭ ٸنجۋ-مارجانى, اۋاسى بال, سۋى ەم قاسيەتتٸ الاكٶلدەگٸ بيىلعى جازعى دەمالۋ ماۋسىمى باستالۋىمەن شىن جٷرەكتەن قۇتتىقتايمىن», – دەدٸ بەرٸك ۋەلي.
ايماق باسشىسى وسىنداي كونتسەرتتٸك باعدارلامالار تامىز ايىنا دەيٸن جالعاسىپ, اپتاسىنا ەكٸ رەت, سەرسەنبٸ, سەنبٸ كٷندەرٸ ۇسىنىلىپ وتىراتىنىن ايتتى. ٶڭٸردٸڭ قالا-اۋداندارىنىڭ ٶنەرپازدارى, «اباي ەلٸ – ٶنەر كەنٸشٸ» وبلىستىق بايقاۋىنا قاتىسقان ەنشٸ, بيشٸ, كٷيشٸلەر كەلٸپ, دەمالۋشىلارعا كٶتەرٸڭكٸ كٶڭٸل-كٷي سىيلايتىن بولادى.
فەستيۆال اياسىندا قازاقستاننىڭ حالىق ەرتٸسٸ, كٷيشٸ-كومپوزيتور سەكەن تۇرىسبەك, دەستٷرلٸ ەن ٶنەرٸنٸڭ ٶكٸلٸ دٸنيسلامبەك جايلاۋباي, سونداي-اق, قازاق ەستراداسىنىڭ تانىمال جۇلدىزدارى دانا كەنتاي, ەركەش حاسەن, قاناي جەنە زارينا وماروۆا ٶنەر كٶرسەتتٸ. ٶنەرپازداردىڭ ەسەم ەندەرٸ مەن كٷمبٸرلەگەن كٷيلەرٸ الاكٶل جاعالاۋىنا جينالعان كٶرەرمەندەرگە ەرەكشە ەسەر سىيلاپ, مەرەكەلٸك كەشتٸڭ سەنٸن كٸرگٸزدٸ. شارا مەرەكەلٸك وتشاشۋمەن اياقتالدى.
ايتا كەتەيٸك, تۋريستٸك ماۋسىم قارساڭىندا الاكٶل جاعالاۋىندا ينفراقۇرىلىمدى جاڭارتۋ جەنە اباتتاندىرۋ جۇمىستارى جٷرگٸزٸلدٸ. پرەزيدەنت تاپسىرماسى اياسىندا دەمالۋشىلارعا قولايلى جاعداي جاساۋ ماقساتىندا جاعالاۋعا 50-دەن استام سانيتارلىق-گيگيەنالىق توراپ ورناتىلىپ, 35 دۋش كابيناسى, 110 كيٸم اۋىستىرۋ ورنى, 100 قوقىس كونتەينەرٸ جەنە 150 قوقىس جيناۋعا ارنالعان كونتەينەر جاڭادان قويىلدى.
📊تۋريستەردٸڭ قاۋٸپسٸزدٸگٸن قامتاماسىز ەتۋ ماقساتىندا جاعالاۋعا ۇزىندىعى 5 مىڭ مەتر بولاتىن قالقانشالار ورناتىلدى. 224 بەينەباقىلاۋ كامەراسى جۇمىس ٸستەپ تۇر. سوڭعى ەكٸ جىلدا كٶل جاعالاۋىندا 10 شاقىرىم كٶشە جولدارىنا اسفالت تٶسەلدٸ. ەرەكشە اتاپ ٶتەرلٸگٸ, بيىل ٷكٸمەتتٸڭ قولداۋىمەن ۇزىندىعى 72 شاقىرىم بولاتىن «كٶكتال-الاكٶل» ەلەكتر جەلٸسٸنٸڭ قۇرىلىسى باستالدى. بۇل جوبا الاكٶل جاعالاۋىنداعى ەلەكتر قۋاتى تاپشىلىعى مەسەلەسٸن تٷبەگەيلٸ شەشۋگە مٷمكٸندٸك بەرەدٸ.
