Jetisýda sot oryndaýshysy aliment tóleýge arnalǵan qarjyny jymqyrǵan, dep habarlaidy Dalanews.kz.
Taldyqorǵan qalasynda jeke sot oryndaýshysy zańsyz jolmen baiý shemasyn qoldanyp, balalardy alimentsiz qaldyrǵan.
Birinshi kezeńde ol aliment tólemderin óndirip alý týraly atqarýshylyq qujattar boiynsha zańdy túrde boryshkerlerdiń jalaqysynan somalardy ustap qalý týraly qaýly shyǵaryp, jumys berýshilerge jibergen.
Odan ári boryshkerlerdiń jumys berýshilerinen aqsha túskennen keiin aqshanyń kóp bóligin ózine qaldyryp, qalǵanyn aliment óndirip alýshylarǵa aýdarǵan.
Mysaly, bir jaǵdaida sot oryndaýshysy boryshkerdiń jalaqysynan óndirip alýdy 2025 jyldyń sáýir aiynan bastaǵan.
Jumys berýshi sáýir aiynan maýsym aiyna deiin jeke sot oryndaýshysynyń shotyna 570 myń teńgeden astam somaǵa aliment tólemderin aýdarǵan.
Sot oryndaýshysy alynǵan somanyń 170 myń teńgesin ǵana óndirip alýshyǵa aýdaryp, qalǵanyn jymqyrǵan.
Tekserý kezinde belgili bolǵandai, ol osyǵan uqsas shemany birneshe ret qoldanyp, onyń kómegimen 2 mln teńgeden astam somany qaltasyna salǵan.
Taldyqorǵan qalasynyń prokýratýrasy ókilettigin asyra paidalaný faktileri boiynsha jeke sot oryndaýshysyna qatysty Qylmystyq kodekstiń 251-babymen sotqa deiingi tergep-tekserýdi bastady.
