جەتٸسۋدا سوت ورىنداۋشىسى اليمەنت تٶلەۋگە ارنالعان قارجىنى جىمقىرعان, دەپ حابارلايدى Dalanews.kz.
تالدىقورعان قالاسىندا جەكە سوت ورىنداۋشىسى زاڭسىز جولمەن بايۋ سحەماسىن قولدانىپ, بالالاردى اليمەنتسٸز قالدىرعان.
بٸرٸنشٸ كەزەڭدە ول اليمەنت تٶلەمدەرٸن ٶندٸرٸپ الۋ تۋرالى اتقارۋشىلىق قۇجاتتار بويىنشا زاڭدى تٷردە بورىشكەرلەردٸڭ جالاقىسىنان سومالاردى ۇستاپ قالۋ تۋرالى قاۋلى شىعارىپ, جۇمىس بەرۋشٸلەرگە جٸبەرگەن.
ودان ەرٸ بورىشكەرلەردٸڭ جۇمىس بەرۋشٸلەرٸنەن اقشا تٷسكەننەن كەيٸن اقشانىڭ كٶپ بٶلٸگٸن ٶزٸنە قالدىرىپ, قالعانىن اليمەنت ٶندٸرٸپ الۋشىلارعا اۋدارعان.
مىسالى, بٸر جاعدايدا سوت ورىنداۋشىسى بورىشكەردٸڭ جالاقىسىنان ٶندٸرٸپ الۋدى 2025 جىلدىڭ سەۋٸر ايىنان باستاعان.
جۇمىس بەرۋشٸ سەۋٸر ايىنان ماۋسىم ايىنا دەيٸن جەكە سوت ورىنداۋشىسىنىڭ شوتىنا 570 مىڭ تەڭگەدەن استام سوماعا اليمەنت تٶلەمدەرٸن اۋدارعان.
سوت ورىنداۋشىسى الىنعان سومانىڭ 170 مىڭ تەڭگەسٸن عانا ٶندٸرٸپ الۋشىعا اۋدارىپ, قالعانىن جىمقىرعان.
تەكسەرۋ كەزٸندە بەلگٸلٸ بولعانداي, ول وسىعان ۇقساس سحەمانى بٸرنەشە رەت قولدانىپ, ونىڭ كٶمەگٸمەن 2 ملن تەڭگەدەن استام سومانى قالتاسىنا سالعان.
تالدىقورعان قالاسىنىڭ پروكۋراتۋراسى ٶكٸلەتتٸگٸن اسىرا پايدالانۋ فاكتٸلەرٸ بويىنشا جەكە سوت ورىنداۋشىسىنا قاتىستى قىلمىستىق كودەكستٸڭ 251-بابىمەن سوتقا دەيٸنگٸ تەرگەپ-تەكسەرۋدٸ باستادى.
