Almaty oblysy Raiymbek aýdanynda ákim mingen kólik apatqa ushyrap, saldarynan bir adam qaza tapty. Taǵy eki jolaýshy aýyr jaraqat alyp, jansaqtaý bólimine jetkizildi. Qaiǵyly oqiǵa 13 qyrkúiek kúni saǵat 19:32 shamasynda Narynqol–Saryjaz avtojolynda bolǵan, dep habarlaidy Dalanews.kz.
Aldyn ala málimet boiynsha, Talǵar aýdany Tuzdybastaý aýylynyń turǵyny, 1986 jyly týǵan Dýlat Dáýletáliev Bestune T55 markaly kóligin (memlekettik nómiri 101 BG 05) basqaryp kele jatyp, rólge ie bola almai, kólik aýdarylyp ketken.
Apat saldarynan júrgizýshi Dáýletáliev pen 1991 jyly týǵan Tuzdybastaý aýylynyń turǵyny Shoqan Muhtarbaiuly Ókenov aýyr jaraqat alyp, Narynqol aýdandyq ortalyq aýrýhanasynyń jansaqtaý bólimine tústi. Al 1987 jyly týǵan Shyńǵys Muhtarbaiuly Ókenov alǵan jaraqatynan jolda kóz jumdy.
Belgili bolǵandai, zardap shekkenderdiń arasynda Talǵar aýdanynyń aýyldyq okrýgi ákimi de bar.
Atalǵan derek boiynsha QR QK 345-babynyń 3-bóligimen sotqa deiingi tergeý bastaldy. Oqiǵa ornyna aýdan prokýrorynyń orynbasary jáne jedel-tergeý toby shyqty.
