Búginnen bastap Qazaqstan Respýblıkasy Qylmystyq kodeksine dropperlik úshin jaýapkershilik qarastyrylatyn jańa 232-1-bap engizildi. Endi qandaı ózgeris bolady?  Dalanews.kz materıalynda.

Dropperlik degen ne?

Bank shotyna, tólem nemese sáıkestendirý quraldaryna zańsyz qol jetkizý, ony berý nemese alý, zańsyz tólemder jasaý, aqsha aýdarý, onyń ishinde materıaldyq syıaqy úshin úshinshi tulǵalarǵa bank kartasyn berý dropperlik dep sanalady.

İİM málimetinshe, bul áreket ınternet alaıaqtyqtyń negizgi ádisteriniń biri sanalady jáne urlanǵan qarajatty qolma-qol aqshaǵa aınaldyrý men shyǵarý úshin qoldanylady.

Endi bul áreket úshin qandaı jaza qarastyrylady?

İs-árekettiń aýyrlyǵyna, sıpatyna jáne alynǵan paıda mólsherine qaraı 232-1-bapta aıyppuldan bastap, múlikti tárkileı otyryp, 7 jylǵa deıin bas bostandyǵynan aıyrý jazasy qarastyrylady.