بۇگىننەن باستاپ قازاقستان رەسپۋبليكاسى قىلمىستىق كودەكسىنە دروپپەرلىك ءۇشىن جاۋاپكەرشىلىك قاراستىرىلاتىن جاڭا 232-1-باپ ەنگىزىلدى. ەندى قانداي وزگەرىس بولادى؟ Dalanews.kz ماتەريالىندا.
دروپپەرلىك دەگەن نە؟
بانك شوتىنا، تولەم نەمەسە سايكەستەندىرۋ قۇرالدارىنا زاڭسىز قول جەتكىزۋ، ونى بەرۋ نەمەسە الۋ، زاڭسىز تولەمدەر جاساۋ، اقشا اۋدارۋ، ونىڭ ىشىندە ماتەريالدىق سىياقى ءۇشىن ءۇشىنشى تۇلعالارعا بانك كارتاسىن بەرۋ دروپپەرلىك دەپ سانالادى.
ءىىم مالىمەتىنشە، بۇل ارەكەت ينتەرنەت الاياقتىقتىڭ نەگىزگى ادىستەرىنىڭ ءبىرى سانالادى جانە ۇرلانعان قاراجاتتى قولما-قول اقشاعا اينالدىرۋ مەن شىعارۋ ءۇشىن قولدانىلادى.
ەندى بۇل ارەكەت ءۇشىن قانداي جازا قاراستىرىلادى؟
ىس-ارەكەتتىڭ اۋىرلىعىنا، سيپاتىنا جانە الىنعان پايدا مولشەرىنە قاراي 232-1-باپتا ايىپپۇلدان باستاپ، مۇلىكتى تاركىلەي وتىرىپ، 7 جىلعا دەيىن باس بوستاندىعىنان ايىرۋ جازاسى قاراستىرىلادى.
