Seisenbi tańynda munaidyń naryqtaǵy baǵasy geosaiasi jaǵdaidyń ýshyǵýyna bailanysty óse tústi,- dep habarlaidy Dalanews.kz
Máskeý ýaqytymen 8:10-da Londondaǵy ICE Futures birjasynda qarasha aiyndaǵy Brent markaly munai fiýchersteri barrel úshin $0,14-qa (0,21%) ósip, $67,58 boldy. Dúisenbide Brent baǵasy $0,45-qa (0,67%) kóterilip, $67,44-ke jetken edi.
Sol ýaqytta Niý-Iork taýar birjasynyń (NYMEX) elektrondy saýdasynda qazan aiyndaǵy WTI markaly munai fiýchersteri $0,16-ǵa (0,25%) qymbattap, barrel úshin $63,46 boldy. Buǵan deiingi sessiiada bul kelisimshart $0,61-ge (0,97%) ósip, $63,3 bolǵan.
Eske salaiyq, baǵanyń kóterilýine birqatar geosaiasi faktor áser etýde. Izrail qorǵanys armiiasy Gazany baqylaýǵa alý úshin qurlyqtaǵy shabýyldy bastady. Qorǵanys ministri Israel Katstyń aitýynsha, operatsiianyń basty maqsaty – HAMAS uiymyn tolyq talqandaý jáne tutqyndardy bosatý. Palestinalyq BAQ 15 qyrkúiek keshinde Gazanyń bombalaýǵa ushyraǵanyn jáne qalaǵa izraildik tankter kirgenin habarlady.
Sonymen qatar, investorlar Reseidiń energetikalyq infraqurylymyna Ýkraina jasaǵan soqqylardan keiin jáne AQSh-tyń reseilik munaidy satyp alýshylarǵa qysymynan soń, munai jetkiziliminde úzilis bolýy múmkin dep alańdaýly. 13 qyrkúiekte AQSh prezidenti Donald Tramp Máskeýge qatań sanktsiialar engizýge daiyn ekenin, alaida oǵan NATO-ǵa múshe barlyq elderdiń kelisimi jáne reseilik munaidan tolyq bas tartýy qajet ekenin málimdedi.
