Jambyl oblysynda keıingi kezde oqýshylar arasynda ólim-jitim kóbeıdi. Óńir ákimi Erbol Qarashókeev osy máselege baılanysty shuǵyl keńes ótkizdi, – dep habarlaıdy Dalanews.kz.
Qarashókeev kimderge shúılikti?
Oblys ákiminiń pikirinshe, jańa oqý jyly bastalǵaly beri óńirde kámeletke tolmaǵandar arasynda asa aýyr qylmystar jıilep ketýi jaǵdaı ýshyǵyp bara jatqanyn kórsetedi.
"Sizderdi tyńdasaq, barlyq jumystar júrip jatyr, aýqymdy sharalar atqarylyp jatyr deısizder. Biraq nátıjesin ózderińiz kórip otyrsyzdar. Sońǵy eki aptada úsh qaıǵyly jaǵdaı boldy. Demek sizderdiń jumys tásilderińiz tıimsiz. Oqýshylardyń tárbıesi jóninde mektep, ata-ana, qoǵam úshtiginiń ózara birlesken jumystaryn basynan qaraý kerek!" – deı kele oblys ákimi nátıjesiz jumystardy synǵa aldy.
Oblys ákimi apparatyna oblys ákiminiń orynbasary Serik Sálemovke sógis, Taraz qalasynyń ákimi Baqytjan Orynbekovke, Shý aýdanynyń ákimi Baqytjan Jánibekovke, bilim basqarmasynyń basshysy Nurbek Orshybekovke sondaı-aq áleýmettik salaǵa jaýapty Taraz qalasy ákiminiń orynbasary Ulana Slambekova men Shý aýdany ákiminiń orynbasary Naıman Sultanbaevqa qatań sógis túrindegi tártiptik shara qabyldaý tapsyryldy.
Jambyldaǵy krımınaldyq ahýal
Buǵan deıin bas prokýror Berik Asylov qylmys deńgeıi ósken óńirler qatarynda Jambyl oblysyn da ataǵan edi. Óńirde bıyl alǵashqy aılarda qylmys deńgeıi 21%-ǵa óskeni baıqalǵan.
Eske salaıyq, keshe Jambyl oblysynda jasóspirimder arasyndaǵy tóbeles oqýshynyń ólimimen aıaqtalǵany habarlandy.
