Premer-ministr Oljas Bektenov Úkimet otyrysynda jolaýshylar tasymalyn baqylaý boiynsha tiimdi tetik joq nazar aýdardy, dep habarlaidy Dalanews.kz.
Úkimet basshysynyń sózinshe, bul qala ishindegi jáne qalaaralyq baǵyttardyń bárine qatysty.
"Óńirlerde jolǵa shyqqan balalardy arnaiy kólikpen alyp júrý erejesi saqtalmaidy. Ótken aptada ǵana Almaty oblysynda oqýshylar mingen avtobýs apatqa ushyrady. Jeksenbige qaraǵan túnniń ózinde jol apattarynyń saldarynan Qaraǵandy oblysynda 5 adam, Jetisý oblysynda 10 adam qaza tapty. Sońǵy jaǵdaida apatqa kináli adam áli júrgizýshi kýáligin de almaǵan bolyp shyqty", - dedi Oljas Bektenov.
Premer-ministr jaýapty organdarǵa tapsyrma berdi.
"Jol apattarynyń deńgeiin tómendetý boiynsha naqty sharalar qabyldaý qajet. Ishki ister ministrligi tarapynan aitylǵan usynystardy qoldaimyz. Olardy iske asyrýǵa memlekettik organdar men jurtshylyq ókilderi tartylýǵa tiis", - dedi premer-ministr.
