پرەمەر-مينيستر ولجاس بەكتەنوۆ ۇكىمەت وتىرىسىندا جولاۋشىلار تاسىمالىن باقىلاۋ بويىنشا ءتيىمدى تەتىك جوق نازار اۋداردى، دەپ حابارلايدى Dalanews.kz.
ۇكىمەت باسشىسىنىڭ سوزىنشە، بۇل قالا ىشىندەگى جانە قالاارالىق باعىتتاردىڭ بارىنە قاتىستى.
"وڭىرلەردە جولعا شىققان بالالاردى ارنايى كولىكپەن الىپ ءجۇرۋ ەرەجەسى ساقتالمايدى. وتكەن اپتادا عانا الماتى وبلىسىندا وقۋشىلار مىنگەن اۆتوبۋس اپاتقا ۇشىرادى. جەكسەنبىگە قاراعان ءتۇننىڭ وزىندە جول اپاتتارىنىڭ سالدارىنان قاراعاندى وبلىسىندا 5 ادام، جەتىسۋ وبلىسىندا 10 ادام قازا تاپتى. سوڭعى جاعدايدا اپاتقا كىنالى ادام ءالى جۇرگىزۋشى كۋالىگىن دە الماعان بولىپ شىقتى"، - دەدى ولجاس بەكتەنوۆ.
پرەمەر-مينيستر جاۋاپتى ورگاندارعا تاپسىرما بەردى.
"جول اپاتتارىنىڭ دەڭگەيىن تومەندەتۋ بويىنشا ناقتى شارالار قابىلداۋ قاجەت. ىشكى ىستەر مينيسترلىگى تاراپىنان ايتىلعان ۇسىنىستاردى قولدايمىز. ولاردى ىسكە اسىرۋعا مەملەكەتتىك ورگاندار مەن جۇرتشىلىق وكىلدەرى تارتىلۋعا ءتيىس"، - دەدى پرەمەر-مينيستر.
