Premer-ministr Oljas Bektenovtiń tóraǵalyǵymen ótken Úkimet otyrysynda Memleket basshysy Qasym-Jomart Toqaevtyń «Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý» atty Joldaýyn júzege asyrý jónindegi jalpyulttyq is-sharalar jospary qaraldy,- dep habarlaidy Dalanews.kz
Premer-ministr Memleket basshysy Joldaýda elimizdi damýdyń jańa deńgeiine kóterý úshin júieli sharalar keshenin qabyldaýdy tapsyrǵanyn atap ótti. Úkimettiń aldyna ekonomikaǵa, agrosektorǵa jáne logistika men turǵyn úi-kommýnaldyq sharýashylyq salasyna tsifrlyq sheshimder men jasandy intellektini engizý boiynsha naqty mindetter qoiyldy.
«Biz Prezidenttiń investitsiialyq ahýaldy jaqsartý, negizgi salalardy jańǵyrtý, memlekettiń tiimdiligin arttyrý jáne muqtaj adamdardy áleýmettik qamsyzdandyrýǵa baǵyttalǵan strategiialyq bastamalaryn iske asyrý úshin nátijeli sharalar qabyldaimyz. Jappai tsifrlyq transformatsiia, ekonomikany jańǵyrtý jáne adam kapitalyn nyǵaitý arqyly elimizdiń ornyqty damýyn qamtamasyz etýimiz qajet. Memleket basshysynyń Joldaýyn júzege asyrý jónindegi jalpyulttyq is-sharalar jospary alǵa qoiylǵan barlyq mindetterge sai keledi. Memlekettik organdardyń birinshi basshylary jospardaǵy is-sharalardyń sapaly ári ýaqtyly oryndalýyn qamtamasyz etýi tiis. Barlyq qarjylandyrý máselelerin shuǵyl sheshý qajet», - dep atap ótti Oljas Bektenov.
Daýys berý barysynda jalpyulttyq jospar jobasy biraýyzdan qoldaý tapty. Ulttyq ekonomika ministrligine Úkimet Apparatymen birlesip, Memleket basshysynyń tiisti Jarlyǵynyń jobasyn Prezident Ákimshiligine engizý tapsyryldy. Premer-ministrdiń orynbasarlary erejelerge sáikes Jospardyń júzege asyrylýyn baqylaýdy jáne úilestirýdi qamtamasyz etedi.
