Onyń 3100-i 11-synyptyń, al 9 myńdaiy 1-synyptyń tabaldyryǵyn attap otyr. Sondai-aq, 5634 pedagog oqý-tárbie jumystaryna kiristi. Endigi mindet – shákirtterge sapaly ilim berip, jan-jaqty bilim iesi etip tárbieleý. Búgin bul týraly Qyzylqum aýyldyq okrýgi Aqtóbe aýylyndaǵy 300 oryndyq №126 jalpy orta mektebinde ótken alǵashqy qońyraý saltanatty jiynynda Jetisai aýdanynyń ákimi Jamantai Beisenbaev málim etti.
– Barshańyzdy tamasha mereke – Bilim kúnimen shyn júrekten quttyqtaimyn! El keleshegi – jas urpaqty jan-jaqty bilim iesi etip tárbieleýdiń mańyzy zor. Zamanaýi osyndai keremet ǵimaratta bilim alý – oqýshylar úshin úlken baqyt. Endeshe oqý jylynyń sońynda atalǵan mekteptiń shákirtteri úzdikter qatarynan kórinip, senimdi aqtaýy tiis. Ol úshin tyńbai izdenip, talmai oqý qajet. Osy rette ustazhdar qaýymyna da úlken jaýapkershilik júktelip otyr, – dedi Jamantai Qanaiuly.
Jańa mekteptegi oqý kúni «Qazaqstanym – júregim, Túrkistanym – tiregim» atty ashyq sabaqpen bastaý aldy. Ashyq sabaqqa aýdan basshysy da qatysyp, oqýshylarmen tildesti.
Aýdanymyzdaǵy 70 mekteptiń 28-i tabiǵi gazben, 41-i qatty otynmen (kómirmen) 1 mektep suiyq otynmen jylytylady. Biylǵy jyly taǵy da 6 mektep tabiǵi gazǵa qosylýy tiis.
Aýdan boiynsha 2018-2019 jyldardaǵy jylý berý maýsymynyń daiyndyǵyn qamtamasyz etý maqsatynda barlyq bilim berý mekemelerinde gidravlikalyq syǵymdaý jumystary júrgizilip, sonyń nátijesinde aqaýy anyqtalǵan 15 mektepte jylý júiesine aǵymdaǵy jóndeý jumystary jalǵasýda. Atalǵan aǵymdaǵy jóndeý jumystaryna 26 mln 925 myń teńge qarjy qaralǵan bolatyn.
Sondai-aq, búginde aýdanymyzdaǵy barlyq mektep tolyǵymen jańartylǵan bilim berý mazmunyndaǵy oqýlyqtarmen tolyq qamtyldy. Bul maqsatqa 420 mln. 109 myń teńge bólinip, 70 mektepke 330 742 dana oqýlyq satyp alynǵan.
Jetisai aýdany ákiminiń baspasóz qyzmeti
