Senatorlardyń joǵary baǵasy
Depýtattar QazUÝ basshylyǵy, oqytýshy jáne stýdenttermen kezdesý aiasynda áleýmettik-ekonomikalyq baǵdarlamalar men Elbasynyń bes áleýmettik bastamasyn iske asyrýdyń maqsattary men mindetteri týraly aityp, ýniversitettiń ǵylymi-innovatsiialyq qyzmetimen tanysty, jáne jaǵdaiattyq basqarma men «Jasyl tehnologiialar» ortalyǵynda boldy.
«QazUÝklassikalyq ýniversitetten álemdik deńgeidegi zertteý ýniversitetineainalyp, halyqaralyq reitingte belsendilik tanytyp keledi. Bul ýniversitet ujymynyń álemdegi eń úzdik 200 JOO tizimine ený týraly Elbasy qoiǵan mindetterdi oryndaýǵa degen senimin arttyrady. Biylǵy jyly ýniversitetke 10 myńnan asa talapket tústi. Onyń ishinde 6,6 myńy bilim grantyn ielengen Qazaqstan mektepteriniń úzdik túlekteri. Bul rekordtyq kórsetkish ýniversitetke degen joǵary senim men onyń tanymaldylyǵyn rastaidy», - dedi Senat depýtaty Dinar Nóketaeva.
QazUÝ rektory akademik Ǵalym Mutanov depýtattardy «Jasyl tehnologiialar» ortalyǵynda bolashaq energetika salasyndaǵy ǵalymdar men stýdentterdiń jetistikterimen tanystyrdy. Munda EKSPO-2017 murasyn damytý boiynsha energiia alýdyń balamaly innovatsiialyq tehnologiialary: jel, kún, gidro men geotermaldyq, biogaz jáne basqa da sýtektik energetikany qoldaný arqyly jasalatyn jobalar júzege asyrylady. Ortalyqta oqýdan basqa, stýdentter men jas ǵalymdar ǵylymi zertteýler júrgizip mol tájiribe jinaqtaidy.
QR Parlamenti senatynyń depýtattaryna QazUÝ-dyń IT-tehnologiialar salasyndaǵy jáne kampýstyń sandyq infraqurylymyn qurý jobalary usynyldy. Jaǵdaiattyq basqarý ortalyǵynda ýniversitet qyzmetiniń barlyq baǵyttaryn qamtityn ýniversitetti baqylaýdyń aqparattyq-saraptamalyq júiesiniń múmkindikteri kórsetildi. Sondai-aq olar sybailas jemqorlyqqa jol bermeýde ýniversitet engizgen jataqhanadaǵy oryndardy onlain taratý júiesimen de tanysty.
QazUÝ-ǵa issapary aiasynda halyq qalaýlylary «Sandyq Qazaqstan» baǵdarlamasyn iske asyrýda bilim berý úrdisine IT-tehnologiialardy engizý, jasyl tehnologiialar men balamaly energetika salasyndaǵy innovatsiialyq qyzmetti damytý, kásip pen ǵylym arasyndaǵy qaýymdastyq, ǵalymdardyń ǵylymi ázirlemelerin kommertsiialandyrý boiynsha joǵary bilikti mamandardy daiarlaý máselelerin talqylandy.
