Tús kórý – adam balasyna tylsym dúnıe retinde kórinetin erekshe qubylys. Qazaq halqynda kórgen tústi jorytý erte zamannan jalǵasqan dástúr. Adam qandaı da bir tús kórse, qarıalar ony jaqsylyqqa jorýǵa tyrysyp, jamandyq nyshany baıqalsa, aldyn alýǵa keńes bergen. Endeshe, túsińde jylan kórý neni bildiredi? Tolyǵyraq Dalanews.kz materıalynda.
Qazaq halqy jylandy ejelden-aq ýly, zaharly, qaýipti jándik retinde tanyǵan. «Jylan shaqqan ala jipten attamas», «Jylandy úsh kesse de, kesirtkelik áli bar» sekildi maqal-mátelder de onyń qaýiptiligin meńzeıdi.
Degenmen, tús jorýda jylan keı jaǵdaıda jaqsylyqtyń da, jamandyqtyń da nyshany bolyp jorylady. Álemdik tús jorýlar boıynsha jylan kórýdiń maǵynasyn usynamyz.
Vanga tús jorýy boıynsha
-
Jorǵalap júrgen jylan – jasyryn jaý, ekijúzdi adam.
-
Óte úlken jylan – densaýlyqqa qaýip, aýrýdyń órshýi.
-
Jylandardyń kóp bolýy – aınalańyzda kóre almaıtyn adamdardyń kóptigi.
-
Jylan moıynnan qysyp jatsa – jaqynyńyzǵa qaýip tónip tur.
Mıller tús jorýy boıynsha
Mıller jylandy kóbine qorqynysh pen qaýiptiń belgisi retinde túsindiredi.
-
Jylannyń shabýyly – jaqyn adamyńyzdyń ótirigi men opasyzdyǵy.
-
Qara jylan – jaǵdaıdyń qıyndaýy.
-
Aq jylan – jaqsy habar, sáttilik.
-
Jylandy óltirý – jaýdy jeńý, qıyndyqtan shyǵý.
Freıd tús jorýy boıynsha
Freıd jylandy seksýaldyq energıanyń sımvoly dep qarastyrady.
-
Er adam úshin – erkektik kúshtiń belgisi.
-
Áıel adam úshin – romantıkalyq salada ózgeris, jańa sezimderge daıyndyq.
-
Jylan basqa adamǵa shabýyl jasasa – sol adamǵa degen jasyryn sımpatıa.
Loff tús jorýynda
Loff jylandy adamnyń ishki qaqtyǵysy men ózine opasyzdyq jasaýy retinde túsindiredi.
-
Túsinde jylan kórý – adamnyń óz prınsıpterine qarsy áreket etýi.
-
Jylan úıde júrse – jaqyn adamnan jasyryn soqqy.
-
Jylan qolda bolsa – qıyndyqtan abyroımen shyǵý.
Nostradamýs tús jorýy
Nostradamýs jylandy qaýiptiń aldyn ala eskertýi dep eseptegen.
-
Shabýyldaýshy jylan – naqty jaý nemese shyǵyn.
-
Tek qarap turǵan jylan – jaqsy múmkindik, biraq ony jiberip alý qaýpi.
-
Jylannyń úıge kirýi – dushpannyń áreket bastaýy.
Islamdyq tús jorý
Islamdyq tús jorýda jylan – ashyq nemese jasyryn jaýdyń belgisi.
-
Jorǵalap júrgen jylan – adamnyń óz ishki agresıasynyń belgisi.
-
Jylan terisin aýystyrsa – jańarý, ómirdegi úlken ózgeris aldynda turý.
-
Úıge kirgen jylan – jaqynnan jaý.
-
Jylandy óltirý – dushpandy jeńý.
-
Óli jylan – Allanyń qorǵaýy.
-
Jylandy qolǵa ustap turý – jaýdyń álsizdigi, zıan keltire almaýy.
Túsinde jylan kórý – árqashan jamandyqty bildirmeıdi. Onyń maǵynasy jylannyń túsi, áreketi, tús kórgen adamnyń jaǵdaıy, sezimine baılanysty ózgeredi. Jalpy alǵanda, jylan jasyryn jaý, ishki qorqynysh, densaýlyq máselesi, qupıa oı, jańarý nemese múmkindiktiń belgisi bolyp sanalady. Eń bastysy – qandaı tús kórseńiz de, ony jaqsylyqqa joryp, úreıge berilmeý.
