Aqtaý qalasynan 51 shaqyrym jerde Kaspii teńizinde sýǵa batyp ketken jasóspirimdi izdestirý jumystary aiaqtaldy. Qutqarýshylar onyń denesin jaǵalaý syzyǵynan shamamen 10 metr qashyqtan tapty, dep habarlaidy dalanews.kz.
Kýágerlerdiń aitýynsha, eki jasóspirim jaǵalaýdyń jabdyqtalmaǵan bóliginde sapbordpen serýendegen. Keiin olar sýǵa túsý úshin qutqarý keýdeshelerin sheshken. Sol sátte jasóspirimderdiń biri sýǵa batyp kete jazdap, aman qutqarylǵan. Al ekinshisi sý astyna ketip, iz-túzsiz joǵalǵan.
Tótenshe jaǵdailar ministrliginiń málimetinshe, izdestirý-qutqarý jumystaryna 253 adam, 100-ge jýyq arnaiy tehnika, júzý quraldary, ushqyshsyz ushý apparattary jáne eki tikushaq jumyldyrylǵan.
Vedomstvonyń habarlaýynsha, izdeý jumystary Kaspii teńizindegi keń aýmaqty tekserý qajettiligine, teńiz túbiniń kúrdeli bederine, sý astyndaǵy kóriný deńgeiiniń tómendigine, teńiz aǵystary men jeldiń áserine bailanysty kúrdelene túsken.
Sondai-aq teńiz aǵystarynyń baǵyty únemi ózgerip otyrǵandyqtan, qutqarýshylar akvatoriiany birneshe ret qaita teksergen. Izdeý jumystary sý betinde de, áýeden de júrgizilip, oǵan súńgýirler, drondar jáne aviatsiia tartylǵan.
Oqiǵanyń mán-jaiy anyqtalyp jatyr.
