اقتاۋ قالاسىنان 51 شاقىرىم جەردە كاسپيي تەڭٸزٸندە سۋعا باتىپ كەتكەن جاسٶسپٸرٸمدٸ ٸزدەستٸرۋ جۇمىستارى اياقتالدى. قۇتقارۋشىلار ونىڭ دەنەسٸن جاعالاۋ سىزىعىنان شامامەن 10 مەتر قاشىقتان تاپتى, دەپ حابارلايدى dalanews.kz.
كۋەگەرلەردٸڭ ايتۋىنشا, ەكٸ جاسٶسپٸرٸم جاعالاۋدىڭ جابدىقتالماعان بٶلٸگٸندە ساپبوردپەن سەرۋەندەگەن. كەيٸن ولار سۋعا تٷسۋ ٷشٸن قۇتقارۋ كەۋدەشەلەرٸن شەشكەن. سول سەتتە جاسٶسپٸرٸمدەردٸڭ بٸرٸ سۋعا باتىپ كەتە جازداپ, امان قۇتقارىلعان. ال ەكٸنشٸسٸ سۋ استىنا كەتٸپ, ٸز-تٷزسٸز جوعالعان.
تٶتەنشە جاعدايلار مينيسترلٸگٸنٸڭ مەلٸمەتٸنشە, ٸزدەستٸرۋ-قۇتقارۋ جۇمىستارىنا 253 ادام, 100-گە جۋىق ارنايى تەحنيكا, جٷزۋ قۇرالدارى, ۇشقىشسىز ۇشۋ اپپاراتتارى جەنە ەكٸ تٸكۇشاق جۇمىلدىرىلعان.
ۆەدومستۆونىڭ حابارلاۋىنشا, ٸزدەۋ جۇمىستارى كاسپيي تەڭٸزٸندەگٸ كەڭ اۋماقتى تەكسەرۋ قاجەتتٸلٸگٸنە, تەڭٸز تٷبٸنٸڭ كٷردەلٸ بەدەرٸنە, سۋ استىنداعى كٶرٸنۋ دەڭگەيٸنٸڭ تٶمەندٸگٸنە, تەڭٸز اعىستارى مەن جەلدٸڭ ەسەرٸنە بايلانىستى كٷردەلەنە تٷسكەن.
سونداي-اق تەڭٸز اعىستارىنىڭ باعىتى ٷنەمٸ ٶزگەرٸپ وتىرعاندىقتان, قۇتقارۋشىلار اكۆاتورييانى بٸرنەشە رەت قايتا تەكسەرگەن. ٸزدەۋ جۇمىستارى سۋ بەتٸندە دە, ەۋەدەن دە جٷرگٸزٸلٸپ, وعان سٷڭگۋٸرلەر, دروندار جەنە اۆياتسييا تارتىلعان.
وقيعانىڭ مەن-جايى انىقتالىپ جاتىر.
