Sahnada diplom tapsyrý rásiminde qujatty jyrtyp tastaǵan kolledj stýdenti keshirim surady, dep habarlaidy dalanews.kz.
Áleýmettik jelide qyzý talqylanǵan jaittan keiin ICB kolledji stýdenttiń atynan málimdeme jariialady.
"Áleýmettik jelilerde taraǵan diplom tapsyrý rásimindegi beinejazbaǵa bailanysty kolledj ujymynan, oqytýshylardan, Bilim basqarmasynan jáne barsha jurtshylyqtan shyn júrekten keshirim suraimyn. Resmi diplomǵa eshqandai ziian keltirilgen joq. Kórinis úshin aldyn ala daiyndalǵan diplomnyń kóshirmesi paidalanyldy. Meniń áreketimde eshqandai jaman niet nemese kolledjge jáne onyń qundylyqtaryna qurmetsizdik kórsetý maqsaty bolǵan joq. Bolǵan jaǵdaiǵa shyn júrekten ókinemin jáne mundai jaǵdai endi qaitalanbaitynyna ýáde beremin", - deidi stýdent videoda.
Eske salaiyq, daýly oqiǵa Almatyda bolǵan edi. Áleýmettik jelide diplom tapsyrý rásimindegi video keń tarap ketti. Kadrda stýdent sahnada diplomdy alǵannan keiin ony jurttyń kózinshe jyrtyp tastaǵany kórinedi.
