2026 jylǵy maýsymda Qazaqstanda 167,8 myńnan astam avtokólik alǵash ret esepke qoiyldy, dep habarlaidy Dalanews Ulttyq statistika biýrosyna silteme jasap.
Statistikaǵa sáikes, maýsym aiynda respýblika boiynsha 167 878 avtokólik tirkelgen. Bul mamyr aiymen salystyrǵanda 13,7 paiyzǵa kóp.
Esepke qoiylǵan kólikterdiń 87,4 paiyzy jeńil avtokólik, 5,7 paiyzy júk kóligi, 2,4 paiyzy tirkeme, 1 paiyzy mototsikl, 0,9 paiyzy avtobýs, al 2,6 paiyzy basqa kólik túrleri boldy.
Maýsymda tirkelgen avtokólikterdiń ishinde qozǵaltqysh kólemi 1500-2000 tekshe santimetr bolatyn mashinalar eń kóp tirkelip, olardyń úlesi 34,5 paiyzdy qurady.
Janarmai túri boiynsha:
• benzinmen júretin kólikter – 136 232 nemese 81,1 paiyz;
• dizel otynymen – 10 845 nemese 6,5 paiyz;
• gazben júretin – 895 nemese 0,5 paiyz;
• aralas otynmen – 11 183 nemese 6,7 paiyz;
• elektr kólikteri – 2 872 nemese 1,7 paiyz;
• otyn túri kórsetilmegen kólikter – 5 851.
2026 jylǵy 1 shildedegi jaǵdai boiynsha Qazaqstanda tirkelgen avtokólikterdiń jalpy sany 6 mln 25,9 myńǵa jetti.
Olardyń ishinde:
• 5 mln 53,7 myńy nemese 83,9 paiyzy jeńil avtokólik;
• 493,7 myńy nemese 8,2 paiyzy júk kóligi;
• 262,3 myńy nemese 4,4 paiyzy tirkeme;
• 89,5 myńy nemese 1,5 paiyzy avtobýs;
• 74,2 myńy nemese 1,2 paiyzy mototsikl;
• 52,6 myńy nemese 0,9 paiyzy ózge kólik túrleri.
Avtokólikter eń kóp tirkelgen óńirler qatarynda Almaty qalasy kósh bastap tur. Munda 733,3 myń kólik esepte bolsa, Almaty oblysynda bul kórsetkish 646,3 myń birlikti qurady.
