Atyraýda ziratty talqandady degen kúdikke ilingen úsh jasóspirim ustaldy, dep habarlaidy Dalanews.kz "Moi Gorod"-qa silteme jasap.
Erkinqala aýyly mańyndaǵy qabirlerdiń búlinýine qatysty politsiia sotaldy tergeý bastaǵanyn málimdedi.
"Kúdiktiler anyqtalyp, ustaldy. Nátijesinde úsh kúdikti politsiia bólimine jetkizildi. Olardyń barlyǵy kámeletke tolmaǵan, tergeý barysynda olardan zańdy ókilderiniń qatysýymen jaýap alynyp jatyr", - delingen habarlamada.
Qazir zańda kózdelgen barlyq tergeý amaly júrgizilip jatqany aityldy.
Kámeletke tolmaǵandar ishki ister organdarynyń esebine qoiylady, al is materialdary kámeletke tolmaǵandar isi jónindegi komissiiaǵa jiberiledi. Tergeý barysynda quqyqbuzýshylardyń ata-analaryn jaýapkershilikke tartý máselesi de qaralmaq.
Eske salaiyq, Atyraýda politseiler ziratty talqandaǵandardy izdestirgen bolatyn. Olar qulpytastardy qiratyp, qorshaýlardy syndyrǵan, temir ai-sholpylardy julyp alyp, jerge qadap ketken.
