اتىراۋدا زيراتتى تالقاندادى دەگەن كۇدىككە ىلىنگەن ءۇش ءجاسوسپىرىم ۇستالدى، دەپ حابارلايدى Dalanews.kz "موي گورود"-قا سىلتەمە جاساپ.
ەركىنقالا اۋىلى ماڭىنداعى قابىرلەردىڭ بۇلىنۋىنە قاتىستى پوليسيا سوتالدى تەرگەۋ باستاعانىن مالىمدەدى.
"كۇدىكتىلەر انىقتالىپ، ۇستالدى. ناتيجەسىندە ءۇش كۇدىكتى پوليسيا بولىمىنە جەتكىزىلدى. ولاردىڭ بارلىعى كامەلەتكە تولماعان، تەرگەۋ بارىسىندا ولاردان زاڭدى وكىلدەرىنىڭ قاتىسۋىمەن جاۋاپ الىنىپ جاتىر"، - دەلىنگەن حابارلامادا.
ءقازىر زاڭدا كوزدەلگەن بارلىق تەرگەۋ امالى جۇرگىزىلىپ جاتقانى ايتىلدى.
كامەلەتكە تولماعاندار ىشكى ىستەر ورگاندارىنىڭ ەسەبىنە قويىلادى، ال ءىس ماتەريالدارى كامەلەتكە تولماعاندار ءىسى جونىندەگى كوميسسياعا جىبەرىلەدى. تەرگەۋ بارىسىندا قۇقىقبۇزۋشىلاردىڭ اتا-انالارىن جاۋاپكەرشىلىككە تارتۋ ماسەلەسى دە قارالماق.
ەسكە سالايىق، اتىراۋدا پوليسەيلەر زيراتتى تالقانداعانداردى ىزدەستىرگەن بولاتىن. ولار قۇلپىتاستاردى قيراتىپ، قورشاۋلاردى سىندىرعان، تەمىر اي-شولپىلاردى جۇلىپ الىپ، جەرگە قاداپ كەتكەن.
