2026 jylǵy 1 aqpannan bastap mektepterde, balabaqshalarda, lagerlerde jáne balalarǵa arnalǵan basqa da uiymdarda baqylaýdyń jańa modeli iske qosylady. Bul ózgeristerdiń basty maqsaty – ár bala úshin qaýipsiz, saý jáne jaily orta qalyptastyrý, dep habarlaidy Dalanews.kz
Baqylaý qalai ózgermek?
Josparly tekserýler eki sanat boiynsha júrgiziledi:
-
Joǵary qaýip deńgeii – jylyna keminde eki ret tekseriledi;
-
Tómen qaýip deńgeii – jylyna bir retten artyq emes.
Sonymen birge, tekseriletin obektilerdiń tizimi ashyq jariialanyp otyrady. Bul ata-analar men qoǵamǵa qandai mekemelerdiń tekseristen ótip jatqanyn baqylaýǵa múmkindik beredi.
Obektilerge barý arqyly monitoring júrgiziledi
Jańa baqylaý formaty buzýshylyqtardy tez anyqtaýǵa jaǵdai jasaidy. Mektepterdiń jańa oqý jylyna, lagerlerdiń jazǵy maýsymǵa jáne meditsinalyq uiymdardyń epidemiologiialyq daiyndyq deńgeiine bailanysty Memleket basshysy, Úkimet jáne Densaýlyq saqtaý ministrliginiń tapsyrmalary negizinde tekserýler júrgiziledi.
Alǵashqy tekserýde aiyppul salynbaidy
Uiymdarǵa zańbuzýshylyqtardy ózdiginen túzetýge múmkindik beriledi. Bul tásil mekemelerdiń jumysty jaqsartýyna baǵyttalǵan.
Sonymen qatar, sanitariialyq dárigerlerdiń ókilettikteri keńeiedi. Bas memlekettik sanitariialyq dárigerler júieli buzýshylyqtardy joiý týraly nusqamalar bere alady, olardy jergilikti jáne memlekettik organdarǵa joldaidy jáne mekemelerge qaýipsizdik standarttaryn arttyrýǵa qoldaý kórsetedi.
Zańnamalyq ózgerister qabyldandy
4 jeltoqsanda Memleket basshysy «Mádeniet, bilim, otbasy jáne memlekettik baqylaý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly» zańǵa qol qoidy.
Qujat balalardyń quqyqtaryn qorǵaýdy kúsheitip, sanitariialyq-epidemiologiialyq salaýattylyqty jaqsartýdy jáne memlekettik biýdjetten qarjylandyrylatyn uiymdardaǵy baqylaý júiesin jetildirýdi kózdeidi.
Qazir zańdy tolyq júzege asyrý úshin tiisti zańǵa táýeldi aktiler ázirlenip jatyr.
