Aqtóbede 10 jastaǵy múgedektigi bar balanyń anasy ulyn oblystyq kópsalaly balalar aýrýhanasynda birneshe kún boiy basqa naýqastar uryp, qorqytyp kelgenin aitty, dep habarlaidy Dalanews.kz "Tengrinews.kz"-ke silteme jasap.
Aqsana Ýrazbekovanyń aitýynsha, balasy nevrologiia bóliminde jii emdeledi jáne ádette ol aýrýhanaǵa balasymen birge jatady. Alaida bul joly qyzyna qaraý kerek bolǵandyqtan, ulyn bólimshede jalǵyz qaldyrǵan. Kelesi kúni-aq balanyń minez-qulqy ózgerip, anasymen sóilesýden qashqaqtai bastaǵan.
1 jeltoqsanda bala bolǵan jaǵdaidy tolyq aityp bergen. Ol 28 qarasha men 1 jeltoqsan aralyǵynda ózimen birge jatqan úlkenirek balalar ony birneshe ret uryp, soqqyǵa jyqqanyn aitqan.
Anasynyń aitýynsha, 16 jáne 12 jastaǵy naýqastar balany basynan uryp, tepkilegen, tamaǵy men sýyn tartyp alǵan, tipti telefondy da paidalanǵan. Qorqytqandyqtan jáne qysym kórsetkendikten, bala kómek suraýǵa jasqanǵan.
Soqqy saldarynan balanyń denesinde kógerýler paida bolǵan, ishi men qoly aýyrǵan, sondai-aq bas qysymy kúsheigen. Psiholog balanyń psihologiialyq jaraqat alǵanyn rastaǵan. Anasy politsiiaǵa aryz túsirip, sot-meditsinalyq saraptama taǵaiyndalýyn úsh kún boiy kútip júrgenin aitty.
Aýrýhanada ne deidi?
Balalar aýrýhanasynyń ókilderi bólimshede balalar arasynda janjal bolǵanyn rastaǵanymen, soqqyǵa jyǵý faktisi bolmaǵanyn alǵa tartty. Meditsinalyq qyzmetkerlerdiń aitýynsha, medbike daýysty estip, palataǵa kirgen kezde balalar ózara sózge kelip jatqan, keiin olar bólek palatalarǵa ornalastyrylǵan.
Aýrýhana oqiǵa kezinde eshqandai kózge kóriner jaraqat baiqalmaǵanyn málimdedi.
Politsiia tekseris bastady
Politsiia anasynyń aryzy túskenin rastady. Qazir atalǵan fakti boiynsha tekseris júrgizilýde. Al sot-meditsinalyq saraptama áli taǵaiyndalmaǵan.
Aqsana Ýrazbekova memlekettik organdardan isti tolyq ári obektivti tergeýdi surap otyr.
