Aqtóbede kópir mańynda iri jol-kólik oqiǵasy boldy. Oqiǵa ornyna birden birneshe jedel járdem brigadasy men politsiia qyzmetkerleri keldi, dep habarlaidy Dalanews.kz
Apat 5 qarasha kúni shamamen 22:00-de tirkelgen. Aldyn ala málimet boiynsha, "Lexus" markaly avtokóliktiń júrgizýshisi jolda kele jatyp "Subaru" kóligine soqtyǵysqan. Soqqydan keiin «Subaru» baǵytynan taiyp, qarsy baǵytta kele jatqan "Chevrolet Cobalt" avtokóligine soǵylǵan.
Politsiianyń málimetinshe, jol apaty saldarynan «Subaru» kóliginiń júrgizýshisi men jolaýshysy oqiǵa ornynda qaza tapty. Taǵy úsh adam túrli jaraqatpen aýrýhanaǵa jetkizildi.
"Qazirgi ýaqytta jol-kólik oqiǵasynyń barlyq mán-jaiy anyqtalyp jatyr", dep málimdedi Aqtóbe oblystyq PD baspasóz qyzmeti.
