Sheshenstan basshysy Ramzan Qadyrovtyń jaǵdaiy kúrt nasharlap ketken. Soǵan bailanysty respýblikanyń biligi jyl qorytyndylary boiynsha turǵyndarmen josparlanǵan tikelei efirdi ázirge ótkize almai otyr, dep habarlaidy Dalanews.kz
"Verstka" basylymynyń dereginshe, sońǵy aptalarda chechendik BAQ birneshe ret tikelei jelige «keń kólemdi daiyndyq» júrip jatqanyn habarlaǵan, alaida eshbir habarlamada naqty kúni men ýaqyty kórsetilmegen. Respýblikanyń resmi organdary da áli túsinikteme bergen joq.
49 jastaǵy Qadyrovtyń densaýlyǵyna qatysty rastalmaǵan aqparattar 2019 jyldan beri paida bolyp keledi. 2023 jylǵy qyrkúiekte Sheshenstan basshysynyń synshylary onyń komada jatýy múmkin ekenin aitqan. Ótken jyldyń kókteminde «Novaia gazeta Evropa» respýblika jetekshisi birneshe jyldan beri «uiqybezdiń nekrozy» diagnozymen ómir súrip jatqanyn jazdy. Osyndai aqparattar taraǵannan keiin Qadyrov birneshe ret óziniń eńbekke qabiletti ekenin kórsetýge tyrysqan beinejazbalar jariialap kelgen: olarda ol túrli dene jattyǵýlaryn oryndap shyǵady.
