شەشەنستان باسشىسى رامزان قادىروۆتىڭ جاعدايى كٷرت ناشارلاپ كەتكەن. سوعان بايلانىستى رەسپۋبليكانىڭ بيلٸگٸ جىل قورىتىندىلارى بويىنشا تۇرعىندارمەن جوسپارلانعان تٸكەلەي ەفيردٸ ەزٸرگە ٶتكٸزە الماي وتىر, دەپ حابارلايدى Dalanews.kz
"ۆەرستكا" باسىلىمىنىڭ دەرەگٸنشە, سوڭعى اپتالاردا چەچەندٸك باق بٸرنەشە رەت تٸكەلەي جەلٸگە «كەڭ كٶلەمدٸ دايىندىق» جٷرٸپ جاتقانىن حابارلاعان, الايدا ەشبٸر حابارلامادا ناقتى كٷنٸ مەن ۋاقىتى كٶرسەتٸلمەگەن. رەسپۋبليكانىڭ رەسمي ورگاندارى دا ەلٸ تٷسٸنٸكتەمە بەرگەن جوق.
49 جاستاعى قادىروۆتىڭ دەنساۋلىعىنا قاتىستى راستالماعان اقپاراتتار 2019 جىلدان بەرٸ پايدا بولىپ كەلەدٸ. 2023 جىلعى قىركٷيەكتە شەشەنستان باسشىسىنىڭ سىنشىلارى ونىڭ كومادا جاتۋى مٷمكٸن ەكەنٸن ايتقان. ٶتكەن جىلدىڭ كٶكتەمٸندە «نوۆايا گازەتا ەۆروپا» رەسپۋبليكا جەتەكشٸسٸ بٸرنەشە جىلدان بەرٸ «ۇيقىبەزدٸڭ نەكروزى» دياگنوزىمەن ٶمٸر سٷرٸپ جاتقانىن جازدى. وسىنداي اقپاراتتار تاراعاننان كەيٸن قادىروۆ بٸرنەشە رەت ٶزٸنٸڭ ەڭبەككە قابٸلەتتٸ ەكەنٸن كٶرسەتۋگە تىرىسقان بەينەجازبالار جارييالاپ كەلگەن: ولاردا ول تٷرلٸ دەنە جاتتىعۋلارىن ورىنداپ شىعادى.
