Lısakovsk turǵyny kámeletke tolmaǵan qyz balany zorlaǵany úshin ómir boıyna bas bostandyǵynan aıyryldy, dep habarlaıdy Dalanews.kz

Tobol.info málimetinshe, qoǵamdy eleń etkizgen oqıǵa 2025 jyldyń naýryz aıynda bolǵan. 13 jastaǵy qyz balany zorlady degen kúdikti er adam qamaýǵa alynǵan edi. Qostanaı oblysynyń qylmystyq ister jónindegi mamandandyrylǵan aýdanaralyq soty zorlaý isi boıynsha aıyptaý úkimin shyǵarǵan.

İs jabyq rejımde qaralǵandyqtan, onyń egjeı-tegjeıi jarıalanbaıdy.

«Sot Lısakovsk turǵynyn QR QK 121-babynyń 4-bóligi («Seksýaldyq sıpattaǵy kúsh qoldaný áreketteri») boıynsha 13 jastaǵy qyzǵa qatysty jasaǵan qylmysy úshin ómir boıyna bas bostandyǵynan aıyrý jazasyna kesti», - delingen habarlamada.

Aıta keteıik, qoǵamdy dúr silkindirgen oqıǵa 2025 jyldyń naýryzynda boldy. Kúdikti ustalyp, sot onyń qamaýǵa alynýyna sanksıa bergen.

Málimetke saı, ol – jeke uıymnyń jaldamaly qyzmetkeri. Tergeý múddesine baılanysty ózge derekter jarıa etilmegen.