Aqmola oblysynda qyzmettik mindetin atqarý kezinde patrýldik politsiia inspektory, aǵa leitenant Asanáli Áskerbekov qaitys boldy, dep habarlaidy Dalanews.kz
Zakon.kz taratqan málimet boiynsha, Aqmola oblystyq politsiia departamenti patrýldik politsiia inspektorynyń qyzmet babynda qaza bolýyna bailanysty tergeý júrgizip jatyr.
«Qaiǵyly oqiǵa biylǵy jyldyń 7 jeltoqsanynda Astana – Ereimentaý – Shiderti avtojolynda boldy. Aldyn ala derekter boiynsha, Toyota Camry júrgizýshisi rólge ie bola almai, jol qozǵalysynyń qaýipsizdigin qamtamasyz etip, júrgizýshilerdi saqtyqqa shaqyryp, jyldamdyqty tómendetý jáne joldyń tarylýy týraly eskertip turǵan patrýldik politsiia inspektoryn qaǵyp ketken».
Departament ókilderi bul fakti boiynsha «jan-jaqty ári obektivti tergeý júrgiziletinin» málimdedi.
