Bas qalada A(H3N2) tumaý virýsy, Covid-19-dyń jeti jaǵdaiy, sondai-aq 14 jasqa deiingi balalardan alynǵan 26 synamada tumaý rastaldy, dep habarlaidy Dalanews.kz
Astananyń bas memlekettik sanitarlyq dárigeri Aigúl Shaǵaltaeva JRVI men tumaýdyń órshýine bailanysty sanitariialyq-indetke qarsy sharalardy engizý týraly qaýlyǵa qol qoidy. Qujatta mektepterde, aýrýhanalar men emhanalarda rejimdi qatańdatý, sondai-aq statsionarlarda kelýshilerge shekteý engizý qarastyrylǵan.
Sanitariialyq qyzmettiń málimetinshe, jaǵdai turaqsyz kúiinde qalyp otyr. Sońǵy aptada JRVI-diń 13 536 jaǵdaiy tirkeldi, onyń 58%-y – 14 jasqa deiingi balalar.
Ótken aptamen salystyrǵanda syrqattanýshylyq 1,7 ese tómendegenimen, ótken jyldyń osy kezeńimen salystyrǵanda 1,5 ese ósim baiqalady.
