باس قالادا A(H3N2) تۇماۋ ۆيرۋسى، Covid-19-دىڭ جەتى جاعدايى، سونداي-اق 14 جاسقا دەيىنگى بالالاردان الىنعان 26 سىنامادا تۇماۋ راستالدى، دەپ حابارلايدى Dalanews.kz
استانانىڭ باس مەملەكەتتىك سانيتارلىق دارىگەرى ايگۇل شاعالتايەۆا جرۆي مەن تۇماۋدىڭ ورشۋىنە بايلانىستى سانيتاريالىق-ىندەتكە قارسى شارالاردى ەنگىزۋ تۋرالى قاۋلىعا قول قويدى. قۇجاتتا مەكتەپتەردە، اۋرۋحانالار مەن ەمحانالاردا رەجيمدى قاتاڭداتۋ، سونداي-اق ستاسيونارلاردا كەلۋشىلەرگە شەكتەۋ ەنگىزۋ قاراستىرىلعان.
سانيتاريالىق قىزمەتتىڭ مالىمەتىنشە، جاعداي تۇراقسىز كۇيىندە قالىپ وتىر. سوڭعى اپتادا ءجرۆي-دىڭ 13 536 جاعدايى تىركەلدى، ونىڭ 58%-ى – 14 جاسقا دەيىنگى بالالار.
وتكەن اپتامەن سالىستىرعاندا سىرقاتتانۋشىلىق 1،7 ەسە تومەندەگەنىمەن، وتكەن جىلدىڭ وسى كەزەڭىمەن سالىستىرعاندا 1،5 ەسە ءوسىم بايقالادى.
