2011 جىلعى 12 قاراشادا تاراز قالاسىندا بولعان تەرروريستٸك شابۋىل قازاقستان تاريحىنداعى ەڭ قايعىلى وقيعالاردىڭ بٸرٸ رەتٸندە ەستە قالدى. قارۋلى قىلمىسكەر ەكٸ ساعاتقا جۋىق ۋاقىت ٸشٸندە جەتٸ ادامدى ٶلتٸرٸپ, بٸرنەشە ادامدى جارالاعان. قازا تاپقانداردىڭ قاتارىندا ٶزگەلەردٸڭ ٶمٸرٸن ساقتاپ قالۋ ٷشٸن ەرلٸك كٶرسەتكەن پوليتسييا كاپيتانى عازيز بايتاسوۆ تا بولدى, دەپ dalanews.kz تٸلشٸسٸ Stan.kz باسىلىمىنا سٸلتەمە جاساپ حابارلايدى.
بيىل 12 قاراشادا ەلدٸ دٷر سٸلكٸندٸرگەن قايعىلى وقيعاعا 15 جىل تولادى. وسىعان وراي تارازدا بولعان قارۋلى شابۋىلدىڭ قالاي باستالىپ, نەمەن اياقتالعانىن ەسكە تٷسٸرەيٸك.
قاندى وقيعا نەدەن باستالدى?
تەرگەۋ دەرەكتەرٸنە سەيكەس, 2011 جىلعى 12 قاراشادا ماقسات قاريەۆ ەسٸمدٸ ازامات تاراز قالاسىندا الدىن الا جوسپارلانعان قارۋلى شابۋىل جاساعان.
سول كٷنٸ ول «قازاقتەلەكوم» قىزمەتكەرٸنٸڭ كيٸمٸن كيٸپ, قالا كٶشەلەرٸندە جٷرگەن.
ساعات 11:00 شاماسىندا قاريەۆ ٶزٸن باقىلاپ جٷرگەن ۇلتتىق قاۋٸپسٸزدٸك كوميتەتٸنٸڭ ەكٸ قىزمەتكەرٸنە قارۋدان وق اتقان. سالدارىنان سەرگەي كاسيانەنكو مەن مۇحتار حاليەۆ وقيعا ورنىندا كٶز جۇمعان.
وسىدان كەيٸن قىلمىسكەر قارۋمەن قورقىتىپ, Mazda 626 ماركالى اۆتوكٶلٸكتٸ تارتىپ العان.
كٶپ ۇزاماي, شامامەن ساعات 11:35-تە ول «ماكە» قارۋ-جاراق دٷكەنٸنە شابۋىل جاسايدى. قارۋلى شابۋىل كەزٸندە دٷكەن كٷزەتشٸسٸ مەن سول جەردە بولعان كەلۋشٸ قازا تاپقان.
قاريەۆ دٷكەننەن بٸرنەشە قارۋ مەن وق-دەرٸنٸ الىپ, قىلمىسىن جالعاستىرعان.
تاراز كٶشەلەرٸندە اتىس بولدى
قارۋ-جاراق دٷكەنٸنەن شىققان كٷدٸكتٸ قالا ٸشٸندە قوزعالىپ, تاعى بٸر ساۋدا ورنىنا باسىپ كٸرگەن. ونداعى ادامداردى قارۋمەن قورقىتىپ, كەيٸن باسقا اۆتوكٶلٸكتٸ يەمدەنگەن.
وسى ۋاقىتتا پوليتسيياعا قالاداعى قارۋلى شابۋىلدار جٶنٸندە بٸرنەشە حابارلاما كەلٸپ تٷسكەن.
قىلمىسكەردٸ توقتاتۋعا ەرەكەت جاساعان پوليتسييا سەرجانتتارى پولات ايانقۇلوۆ پەن جاقسىبەك بايسەيتوۆ تە ونىڭ وعىنان قازا تاپقان.
بۇدان كەيٸن ماقسات قاريەۆ ۇلتتىق قاۋٸپسٸزدٸك كوميتەتٸنٸڭ جامبىل وبلىستىق دەپارتامەنتٸ عيماراتىنا گراناتااتقىشتان وق جاۋدىرعان.
ابىروي بولعاندا, جارىلىس بولعان بٶلمەدە سول سەتتە ەشكٸم بولماعان.
عازيز بايتاسوۆ ٶزگەلەردٸ قۇتقارۋ ٷشٸن ٶز ٶمٸرٸن قۇربان ەتتٸ
قارۋلى شابۋىلدىڭ سوڭعى سەتتەرٸ پوليتسييا كاپيتانى عازيز بايتاسوۆتىڭ ەرلٸگٸمەن ەستە قالدى.
ول ەرٸپتەستەرٸمەن بٸرگە قىلمىسكەردٸ ۇستاۋ وپەراتسيياسىنا قاتىسقان. اتىس بارىسىندا ماقسات قاريەۆ جارالانعانىمەن, قارسىلىق كٶرسەتۋدٸ جالعاستىرعان.
كٷدٸكتٸنٸڭ قولىندا گراناتا بارىن بايقاعان عازيز بايتاسوۆ اينالاسىنداعى ادامداردىڭ ٶمٸرٸنە قاۋٸپ تٶنٸپ تۇرعانىن تٷسٸنگەن.
تەرگەۋ ماتەريالدارىندا پوليتسييا كاپيتانىنىڭ قىلمىسكەردٸ جەرگە قۇلاتىپ, جارىلىس كەزٸندە ٶزگەلەردٸ قورعاۋعا تىرىسقانى ايتىلادى.
ساعات 12:52-دە گراناتا جارىلىپ, عازيز بايتاسوۆ پەن ماقسات قاريەۆ قازا تاپتى.
وسىلايشا, ەكٸ ساعاتقا جۋىق ۋاقىتقا سوزىلعان قارۋلى شابۋىل توقتاتىلدى.
جەتٸ ادام قازا تاپتى
2011 جىلعى 12 قاراشاداعى تەرروريستٸك شابۋىل سالدارىنان جەتٸ ادامنىڭ ٶمٸرٸ قيىلدى. ولاردىڭ بەسەۋٸ قۇقىق قورعاۋ ورگاندارىنىڭ قىزمەتكەرلەرٸ بولسا, ەكەۋٸ بەيبٸت تۇرعىن ەدٸ.
بۇدان بٶلەك, بٸرنەشە پوليتسييا قىزمەتكەرٸ تٷرلٸ جاراقات العان.
وقيعادان كەيٸن ارنايى تەرگەۋ توبى قۇرىلىپ, قىلمىستىڭ بارلىق مەن-جايىن انىقتاۋ جۇمىستارى جٷرگٸزٸلدٸ.
تەرگەۋ بارىسىندا شابۋىل جاساعان ماقسات قاريەۆتٸڭ راديكالدى دٸني-ەكسترەميستٸك كٶزقاراستى ۇستانعانى تۋرالى اقپارات جارييالاندى.
باتىر پوليتسەيدٸڭ ەسٸمٸ ەل جادىندا قالدى
قىزمەتتٸك بورىشىن ورىنداۋ كەزٸندە ٶزگەلەردٸ قورعاپ قازا تاپقان پوليتسييا كاپيتانى عازيز بايتاسوۆقا قايتىس بولعاننان كەيٸن ەلٸمٸزدٸڭ ەڭ جوعارى دەرەجەلٸ ەرەكشەلٸك بەلگٸسٸ – «حالىق قاھارمانى» اتاعى بەرٸلدٸ.
كەيٸن تاراز قالاسىندا باتىر پوليتسەيدٸڭ قۇرمەتٸنە ەسكەرتكٸش ورناتىلدى.
2026 جىلى ونىڭ ەسٸمٸن ۇلىقتاۋ ماقساتىندا «حالىق قاھارمانى عازيز بايتاسوۆ» اتتى ۆەدومستۆولىق مەدال تاعايىندالدى.
مەدالدٸڭ العاشقى داناسى باتىردىڭ جۇبايى گٷلجامال تەجيەۆاعا تابىستالدى.
2026 جىلعى 12 قاراشادا تارازداعى تەراكتٸگە 15 جىل تولادى. سول كٷنٸ قىزمەتتٸك مٸندەتٸن اتقارۋ بارىسىندا قازا تاپقان ازاماتتاردىڭ ەسٸمٸ مەن ولاردىڭ ەرلٸگٸ قازاقستان تاريحىندا مەڭگٸ ساقتالماق.
