Memleket basshysy Qyrǵyzstan Prezidentimen telefon arqyly sóilesti. Prezidentter ekijaqty yqpaldastyq qarqyndy túrde damyp kele jatqanyn atap ótti, dep habarlaidy Dalanews.kz
Sonymen qatar joǵary deńgeide, sonyń ishinde Qasym-Jomart Toqaevtyń biyl 21-22 tamyzda Qyrǵyzstanǵa jasaǵan resmi sapary aiasynda qol jetkizilgen ýaǵdalastyqtardy júzege asyrý barysyn talqylady.
Áńgimelesý barysynda Qasym-Jomart Toqaev Sadyr Japarovty týǵan kúnimen quttyqtap, baýyrlas qyrǵyz halqynyń igiligi jolynda atqaryp jatqan memlekettik qyzmetine tabys tiledi.
Memleket basshysy Qyrǵyzstan Prezidentiniń eki eldiń dostyq, tatý kórshilik jáne ózara qoldaý rýhyndaǵy san qyrly yntymaqtastyǵyn keńeitýge qosqan eleýli úlesin joǵary baǵalaitynyn jetkizdi.
