Maqtaaralda ata zańymyzdyń 23 jyldyǵy saltanatty túrde atalyp ótti
Jiyndy ashyp bergen aýdan ákimi Baqyt Asanov elimizdiń búgingi jetistigi Ata zańymyzben tikelei bailanysty ekenin atap ótti.
– Konstitýtsiiadaǵy bizdiń memleketimiz úshin eń qymbat qazyna – adam, onyń ómiri, quqyqtary men bostandyqtary bolyp tabylady degen erejesi buljymas orynǵa ie. Ata zań merekesi aiasynda jáne bilim kúnine orai aýdanymyzda jańadan salynǵan 4 mektep ǵimaraty paidalanýǵa berildi. Jyl sońyna deiin taǵy 1 mektep halyq igiligine beriletin bolady. Sondai-aq, 2 mektep, 2 emhana boi kóterýde. Qazirdiń ózinde aýdandaǵy Maqtaaral aýyldyq okrýgine qarasty 9 eldimekende gaz tartý qurylysynyń jumystary júrip jatyr. Negizgi kún kórisi aýylsharýashylyǵy bolyp tabylatyn aýdanda 40 myń gektar jerdiń qunarlyǵyn arttyrý úshin PÝID-2 jobasy arqyly tik drenajdardy uńǵymalardyń qurylysy men kollektorlardy tazalaý jumystary da qarqyn alǵan. Sharýalarymyz baqsha ónimderin egip, ónimin elimizge, shetelderge shyǵaryp satýda. Endi taiaý kúnderi maqta jinaý naýqany da bastalady. Árine, el ishindegi uly qundylyqtardy ulyqtaǵan uly qujattyń elge yrys, jaqsy turmys ákelip otyrǵany aiqyn. Elimiz qol jetkizgen barlyq jetistik pen jeńisimiz osy Konstitýtsiianyń arqasy dep bilemiz, – dedi Baqyt Násirhanuly.
Jiyn barysynda óńir basshysy el igiligi úshin belsendi qyzmet etip júrgen azamattar men memlekettik qyzmetkerlerdi arnaiy oblys ákimi Janseiit Qanseiituly Túimebaevtyń jáne óziniń alǵys hatymen marapattady. Sondai-aq, 6 aýyldyq okrýgtiń ákimderine qyzmettik avtokóliktiń kiltin tabystady.
Saltanatty is-sharanyń sońy kontserttik baǵdarlamaǵa ulasyp, maqtaly ólkeniń jeztańdai ánshileri patriottyq ánder shyrqap, bishileri ónerlerin ortaǵa saldy.
Maqtaaral aýdany ákiminiń baspasóz qyzmeti
