Mekteptiń belsendi oqýshylarynan quralǵan klýbtyń negizgi maqsaty - bilim berý mekemesinde sybailas jemqorlyqqa “nóldik tózimdilik” qaǵidatyn qalyptastyrý, jemqorlyqqa qarsy mádenietti damytý jáne oǵan qarsy kúresti kúsheitý bolyp tabylady. Ashyq sabaqty «Adal urpaq» eriktiler klýbynyń jetekshisi Jomart Myńbaev júrgizip, klýb múshelerin «Ádildik», «Abyroi», «Adaldyq», «Jaýapkershilik» atty 4 topqa bólip saiys túrinde uiymdastyrdy. Ár top óz urandary jáne maǵynasy men mán-mańyzyn túsindirdi. Dáris barysynda sybailas jemqorlyqtyń adamzat balasyna tigizer zardaby jaiynda beinebaian kórsetilip, oqýshylar oilaryn ortaǵa saldy.
– Bolashaq búginnen bastalady. Zamanymyzdyń erteńin jasaityn jas urpaqty bilimdi, sanaly etip tárbieleýmen qatar, qazirgi qoǵam derti – jemqorlyq pen sybailastyqtan taza tulǵalardy qalyptastyrý búgingi kúnniń basty talaby. Elbasymyz N.Á.Nazarbaev Qazaqstan halqyna arnaǵan Joldaýynda: «Biz Qazaqstannyń barlyq azamattarynyń otanshyldyq sezimi men óz eline degen súiispenshiligin damytýǵa tiispiz jáne ony qalyptastyrý basty mindetimizdiń biri» degen bolatyn. Ulttyq tárbiege tikelei yqpal jasaityn – bilim ordalary, otbasy, qoǵam, orta. Qazaqstannyń bolashaǵy – Ultjandy, adami qundylyqtardy boiyna jiǵan, qiynshylyqtan jol tabatyn, ekonomikalyq básekelestikke qabiletti, ary taza imanjúzdi, bireýdiń qoldaýynsyz óz eńbegimen bilim alǵan, eli men jerin súietinin atqarǵan isimen dáleldegen jastardy kórgimiz keledi. Rýhani-adamgershilik jáne azamattyq-patriottyq qasietter negizinde sybailas jemqorlyqqa qarsy mádenietti mektepte qalyptastyrý barshamyzdyń mindetimiz. Búgingi “Adal urpaq” eriktiler klýbynyń jumysyna qarai otyryp, basty maqsatymyzdyń oryndalyp jatqanyn kórýge bolady. Aldaǵy ýaqytta da klýb jumysyn úzbei, josparly túrde jalǵastyrý kerek, – dedi aýdan basshysy Erlan Aitahanov.
Shara aldaǵy ýaqytta da túrli deńgeidegi baǵyttar boiynsha júzege aspaq. Qoǵam men bolashaq aldynda adal nietti urpaq tárbieleýdegi mańyzy zor bastama el keleshegi jastardyń ózin-ózi tárbieleý jumystary aiasynda da oryndalýy kózdelýde.
Otyrar aýdany ákiminiń baspasóz qyzmeti
