Mańǵystaý oblysy ákimi Nurdáýlet Qilybai belgili jýrnalist Meiirjan Álibekulyna suhbat berip, kókeide júrgen oi-paiymyn ortaǵa salypty. Osy rette sol suhbatty Dalanews.kz agenttiginiń oqyrmandaryna qaz qalypnyda usynǵanda jón sanadyq.
Tilshi Meiirjan Álibekuly (ári qarai – tilshi):
Nurdáýlet Igilikuly, siz memleket basshysynyń jarlyǵymen 17 mamyr kúni Mańǵystaý oblysynyń ákimi bolyp taǵaiyndaldyńyz. Sodan beri 100 kúnnen asa ýaqyt ótipti. Bul kásibi qabiletti kórsetý úshin az merzim be?
Mańǵystaý oblysynyń ákimi Nurdáýlet Qilybai (ári qarai – Ákim):
- Az merzim dep aita almaimyn. Júz kún emes 1 kúnniń ózi az ýaqyt emes qazir. Zaman zýlap jatyr. Prezidentimiz tapsyrma berdi. Halyq kútip otyr nátije. Sondyqtan ondai oi múlde kirip shyqqan joq. Kóp eken áli ýaqyt bar degen túsinik múldem joq.
Tilshi:
Bosańsýǵa bolmaidy deisiz ǵoi?
Ákim:
Joq, árine.
Tilshi:
Jumys ýaqytyńyz neshede bastalady?
Ákim:
Men kúndelikti kólikti saǵat 7:30 shaqyryp qoiamyn. Keide 7:40, keide 8:00 de úiden shyǵyp ketemin. 8-de jumysta bolamyz. Resmi túrde jumys 9:00-da bastalady. 8-de kelip, tańerteń jumystastarymyzben bir aqyldasyp, solai bastalady jumys barysy.
Tilshi:
21 mamyr kúni Toqaev sizdi Aqordada qabyldady. Qobaljydyńyz ba?
Ákim:
Maik Taison degen boksshyny bilesiz ǵoi. Sonyń áigili Kas D’Amato bapkeri boldy, treneri. Ómirden ótti. Sol kisiniń mynadai sózi bar. «Ringke shyqqan boksshy, eger qobaljymadym dese ne ol ótirikshi, ne esalań» - degen. Sondyqtan, árine qobaljý bolady. Ol ómirdegi men úshin jańa bastama. Ondai formatta kezdesý alǵashqy ret bolyp tur. Alǵashqy ret bolmai kúnde bolsa da qobaljý bolatyn siiaqty. Sebebi men prezidentke kirdim.
Tilshi:
Arada Aqorda da sol kezde beiresmi dialog ornady ma?
Ákim:
Beiresmi dialog bolǵan joq. Barlyǵy jarty saǵattan astam ýaqyt pa álde 40 minýt pa qazir esimde joq. Múmkin odan da kóp te shyǵar. Biraq barlyǵy sol Mańǵystaý halqynyń órkendeýi, damýy týraly, Mańǵystaý jerine investitsiia tartý, týrizm baǵyty, ekonomikanyń qai salasy boiynsha da toqtap- toqtap naqty tapsyrmalaryn berdi. Baǵytyn berdi. Sosyn árine senim artqannan keiin bolý kerek batasyn da berdi.
Tilshi:
Osy ýaqyt ishinde komanda jinap úlgerdińiz be?
Ákim:
Endi komanda degen ne? Biz top etip aspannan ákim bolyp túse qalǵan joqpyz. Ártúrli jerde jumys jasadyq. Ár jerde jumys jasap júrgen kezde ózim iriktelip, iriktelip qosylatyn adamdar janyńa qosyla beredi. Al uiatqa qaldyrǵan, jerge qaratqan azamattar olar jailap sheńberden shyǵyp ketedi. Ol fakt.
Tilshi:
Qandai qabiletine qarap tańdaisyz, jalpy?
Ákim:
Árine, iskerlik qabileti.
Tilshi:
Nurdáýlet Igilikuly, Sizdi «Asqar Maminniń kúieýbalasy, laýazymyńyz sol kisiniń arqasynda ósti» degen el aýzynda áńgime júrip jatyr. Soǵan qatysty bir núktesin qoisańyz? Solai ma shynymen álde qate áńgime me?
Ákim:
Kúieýbalasy degen áńgime qaidan shyqty? Temirjolda jumys istep júrgen kezde Kólik ministri Ábilǵazy Qaliaqparuly degen aǵamyz bar Qusaiynov. Sol kisiniń qabyldaý bólmesinde «saǵat 3-te sizdi ministr kútip otyr» dedi. Baryp edim, jańa komitettiń tóraǵasy qyzmetin usyndy. Sodan árine men kelistim. Sodan protsedýralardan ótesiń, memlekettik qyzmetkerler tapsyratyn. Test, ekzamenderden ótesiń degendei. Kirisip kettim. Sol jaqta jasap júr edim. Ózimniń týǵan Beineýimnen bir tanys adam telefon soǵady. Jańa sadaqadan shyqtyq deidi. «Qabyl bolsyn degenimde», «aitaiyn degenim sadaqa emes, sol sadaqada aqsaqaldar seni talqylady» deidi. «Bul Igiliktiń balasy qalai bastyq bolyp ketti? Múmkin emes. Iaǵni onyń artynda bir tireýi bar. Kim eken dep qazbalap izdep ketti?», dedi.
Ol kezde Asqar Mamin degen áńgime joq. Ol kezde Prezident ákimshiliginiń basshysy Aslan Mýsin degen kisi. Árine biz ol kisini tanymaimyz. Tek televizordan kórgenimiz bolmasa. Qazbalap, qazbalap kelip «myna Igiliktiń týystarynyń, ainalasynyń bári aýylda, olardy bilemiz deidi» de. «Munyń naǵashysy kim edi?» dep qazbalap ketedi. Meniń naǵashylarym Aqtóbeniń álimderi. Sóitip alyp keledi de «onyń naǵashysy Mýsin boldy. Sol kóterip otyrǵan degen» tujyrymǵa keledi aýyl aqsaqaldary. Taǵy da aita keteiin biz ol kisini tek teledidardan kórgenimiz bolmasa, Aqtóbe degen óte úlken ǵoi. Sóitip aqsaqaldar solai sheshedi. Sóitkende men Ulttyq komitetten Mańǵystaý temirjolyna bastyq bolyp kelemin 2011 jyly. 2012 jyly baiaǵy komitetke qaita shaqyryp, ekinshi ret tóraǵa bolyp kelemin. Biraq ol kezde Aslan Mýsin degen azamat joq jumysta. Ketip qalǵan. Esimde joq, mán de berip júrgen joqpyn. Jańaǵy aǵam bir kúni qaita soqty. Kúlip otyr. «Ne boldy?» desem «qaita seni talqylap otyr» deidi. Men aitamyn «basqa sharýalaryń joq pa senderdiń?» dep. «Joq Asylan Mýsin ketip qaldy, mynaý komitetke qaitadan tóraǵa bolyp bardy. Bul sonda kim bolǵany kóterip otyrǵan?». Naǵashy jurtym jańaǵydai boldy. Sodan qaiynjurtymdy qazbalap ketedi. Bireý aitady «orta júzdiń qyzy bolý kerek» deidi. «Orta júzden bolsa, temirjoldyń bastyǵy – Asqar Uzaqbaiuly Mamin, ol da orta júz. Iaǵni sol qaiynaǵasy bolyp shyqty. Sol kótergen» degen áńgime shyǵyp ketti. Saryarqanyń basynda. Men ol kisini alǵashqy ret sol júzbe júz «Qazaqstan Temirjoly» ǵimaratynda kezdeskenbiz. Árine. jumys barysynda ol kisi basshymyz boldy. Birge jumys jasadyq. Oǵan endi sóz joq. A biraq kúieýbala degen…
Tilshi:
Qorytyndylaǵanda eshqandai týystyq qarym-qatynas joq.
Ákim:
Qazaqta 3 qainasa sorpasy qosylmaityn deidi ǵoi. Solai.
Tilshi:
Júrińizshi, siz endi temirjolshysyz ǵoi. Bastaǵan eń alǵashqy qyzmetińizdi aityp jatsyz. Mynaý endi el aýmaǵy boiynsha temirjol sizge tanys pa?
Ákim:
Men barlyq stantsiia, razezderge bardym dep aita almaimyn. Sebebi, temirjol 20 myń shaqyrymǵa jýyq uzyndyǵy bar jol. Biraq endi basym kópshiligine temirjolda júrgen kezde baryp óttik.
Tilshi:
Jolserik bolyp istedińiz be?
Ákim:
Jolserik bolyp jasaǵan joqpyn. Myna júk tasymaldaý jaǵynan bastadym. Biraq poezda kóp júrdim. Kanikýl kezinde Almatydan Mańǵystaýǵa deiin kóp júrdik bizder. 3 jarym táýlik. Ol kezde tike poiyz bolǵan joq. Esterińizde shyǵar Aqtóbe qalasyna deiin barady. Aqtóbede vagondardy aǵytyp tastaidy da kelesi Aqtóbe - Mańǵyshlaq degen poiyz ketedi. Tańerteń barady da ol poiyz keshke deiin Aqtóbede júretinbiz.
Tilshi:
Al endi temirjol salasyna qazirde kóńilińiz tola ma?
Ákim:
«Sý ishken qudyǵyńa túkirme», deidi qazaq. Ol azamattar da qoldarynan kelgenin jasap jatqan bolý kerek. Biraq endi kimnen jasyrasyń, vagondardyń jaǵdaiyn bilesiz. Endi jalpy joldyń jaǵdaiyna keletin bolsaq, bizde Mańǵystaý oblysy 97%-ǵa qanaǵattandyrarlyqtai. Avtojoldyń bizde jaqsy jaǵdaiy. Keibir ýchastokter bar áli de bitpei jatqan. Bárin keremet dep turǵanym joq. Biraq avtojoldyń jaǵdaiy jaqsy. Endi temirjol ózderińiz kórip júrgen temirjol. Qarapaiym halyq temirjolǵa jolaýshylar tasymalyna qarap beredi ǵoi. Vagondardyń eskiligi bolmasa.
Tilshi:
Jalpy syilyq alǵandy unatasyz ba?
Ákim:
Syilyq alǵandy unatpaimyn birinshiden, ekinshiden týǵan kúnimmen kelip quttyqtaǵandy unatpaimyn. Maqtap, asyra siltep ondaidan men qashyp júremin. Sosyn myna qazir ákimsiń dep ákim bolǵanyńa qarap is-sharalarda alǵashqy qylyp sóz beredi ǵoi. Ol praktikany múlde alyp tastadym. Qansha jerden ákim bolsam da birinshi aqsaqaldardy sóiletemin. Sebebi meniń túsinigimde ol saǵan berip jatqan alǵysóz saǵan berip jatqan joq, seniń atyń atalǵanmen birinshi seniń kreslońa berip jatyr.
Tilshi:
Mysaly Ashat Shaharov, Asaiyn Baihanov, Serik Shapkenov sizdiń úzeńgilesterińiz, qurdastaryńyz desek te bolady. Keshe joldaýda Shaharov ekeýińiz qatar otyrdyńyzdar. Jalpy bir-birlerińizben aqyldasasyzdar ma? Aqyl suraisyzdar ma?
Ákim:
Aqyl suraimyz. Keide táýliktiń merzimine qaramai aqyl suraimyz. Túnde soǵyp jatamyz bir-birimizge. «Ana jerin sen qalai jasadyń» deimiz, odan kishireiip qalmaimyz. Bolmasa olar soǵyp jatady «qalai jasadyń?» dep.
Tilshi:
Mysaly, dál qazir habarlasa alasyz ba ákimderdiń bireýine?
Ákim:
Kimge soǵaiyn?
Tilshi:
Máselen, Ashat Shaharovqa?
Ákim:
Jinalys, bir nársesi bolyp qalmasa.
- Aseke, assalaýmaǵaleikúm.
- Shúkir, shúkir. Sol azamattar kelip, menen suhbat alyp jatyr. Ishinde bir suraq «áriptesterińizben aralasyp turasyz ba?» degen.
Tilshi:
Ashat Berleshuly, men ǵoi Meiirjan Álibekuly. Sizder qurdassyzdar, joldaý kezinde de qatar otyrdyńyzdar. «Bir-birińizben jalpy aqyldasasyzdar ma? Ákimder arasynda baqtalastyq bar ma?» degen suraq qoiýym da.
Aqtóbe qalasynyń ákimi Shaharov Ashat Berleshuly:
Ártúrli jaǵdai bolady. Árine, ár óńirdiń ereksheligi bar. Biraq degenmen istep jatqan jumysymyz bir. Sondyqtan árine bireýimizdiń jetistigimiz bolady. Bireýimizde kerisinshe kemshiligimiz shyǵyp qalady. Sony qalai jasaimyz. Sondyqtan bir- birimizdi toltyryp, aqyldasqan jón ǵoi.
Tilshi:
Raqmet shynaiy jaýabyńyzǵa.
Tilshi:
Saiasatkerdiń boiynda qandai qasietter bolý kerek dep oilaisyz?
Ákim:
Elge degen mahabbat birinshi. Qalai bolǵanda da eline, jerine degen mahabbaty bolý kerek. Qalǵany ózinen ózi shyǵa beretin dúnieler dep oilaimyn. Halyqqa degen mahabbaty.
Tilshi:
Ómirde jalpy sizdi ne alańdatady? Ne tolǵandyrady?
Ákim:
Myna áleýmettik jeli degen keibir kisilerge óte jaqsy instrýment boldy. Keibir kisiler bar jeke basynyń sharýasy bolǵan kezde jekeme shyǵady. «Baýyrym, Nureke» deidi. Atymdy aitady jasy úlken bolsa. Al tyrnaqtyń astynan sál kir kórip qalsa áleýmettik jeliden jarq etip shyǵa keledi post jazyp. Olardyń kóbisi myna er azamattar.
Tilshi:
Endi myna aýdan ákimderin taǵaiyndaisyz ǵoi. Sol kezde Adaidyń aqsaqaldary aralasyp, sharýa sala ma? Mynany qoi, mynany qoima degen siiaqty.
Ákim:
El bolǵannan keiin aqsaqaly bolady. Aqsaqal bolǵannan keiin onyń da bir tanysy bolady. Bolady, usynys jasaidy. Osy balany qoiyp jiberseń durys bolatyn edi dep. Tyńdaý paryzymyz, biraq ol sheshim qabyldana ma, qabyldanbai ma ol ekitalai nárse.
Tilshi:
Endi jumys bolǵan soń kemshilikter bolyp turady. Jalpy syndy qalai qabyldai alasyz?
Ákim:
Syn bolý kerek eger ádil bolsa. Jaqsy qabyldaimyn syndy. Mysaly qazir myndai praktika usynys jasaǵanmyn jáne sol iske asyp kele jatyr. Bizde aparattyq ártúrli jinalystar bolady ǵoi. Ártúrli salanyń máseleleri boiynsha talqylaýlar bolady. Baiandamashy baiandamasyn jasaidy. Biraq ókinishke orai praktikada qalai? Baiandamashy baiandamany jasaidy. «Suraq bar ma?» deisiń aýditoriiaǵa, árine suraq kóp bolmaidy da. Sebebi áriptester sol ujym. Jaqsy deimiz de hattamaǵa qol qoiamyz. Somen jinalys máselesi talqylandy. Sheshilgen siiaqty bolyp, qaǵaz júzinde ádemi bolyp turady. Ol durys emes. Qazirgi usynysym qai másele talqylansa qoǵamda júrgen sol máseleniń kritikterin be, bolmasa janashyrlaryn ba, sol aýditoriiaǵa shaqyrý kerek. Sosyn tyńdaimyz olardy. Mysaly sport máselesi boiynsha, birinshi ret solai ótti. Úlken talqy boldy. Trenerlerge emin-erkin sóileýge ótinish jasadyq. Úlken synnyń astynda qaldy. Óte durys synnyń astynda qaldy. Paraolimpiada da júrgen sportsmenderdiń trenerleri sóiledi. Bylai sportsmenderdiń trenerleri sóiledi. Syn durys eger ádil bolsa.
Tilshi:
Jalpy endi pendemiz ǵoi. Ishki shekteý bola ma?
Ákim:
Aǵaiyndarymyz bar, týystarymyz bar, tanystarmyz bar. Toi, sadaqaǵa shaqyrady. Bireýdiń qýanyshy bolyp jatady. Biraq ókinishke orai 95 paiyzǵa degen barmaimyz. Sebebi «myna jaqta sýyń sheshilmei jatsa, myna jaqta jolyń sheshilmei jatsa toida júrgen qalai bolyp ketedi?» degen oimen shekteimiz. Bolashaqta zeinetke shyǵyp jatsaq, ol qyzyqtardy kóre jatarmyz. Ázirge biz osy jumyspen ómir súrip jatyrmyz. Ózimizdiń jeke basymyzǵa kelgende shekteý bar. Aǵaiynǵa, týysqa, otbasyǵa kelgen kezde shekteý kóp. Kóńil bólmeimiz. Jasyratyny joq.
Tilshi:
Mańǵystaýdyń munaiy men gazynyń mynaý el ekonomikasyna qosyp jatqan úlesi qanshalyqty?
Ákim:
Birneshe munai mekemeleri bar. Bul «MańǵystaýMunaiGaz», «Qarajanbas», «Ózenmunaigaz». Jalpy jylyna 17 mln tonna munai shyǵaryp otyrmyz. Onyń bir bóligi ishki naryqqa benzin, dizel degen bir bóligi syrtqy eksportqa ketedi.
Tilshi:
Munai ken-oryndary qanshaǵa jetedi osyndai bir boljam bar ma? Sarqylsa ne isteimiz?
Ákim:
Ony Meiirjan dál osy kúni, osy jyly bitedi dep eshkim aita almaidy. Dei turǵanmen rasynda da keibir ken oryndary eskirdi. Biraq ol jerde bir nárseni eskerý kerek. Erteli-kesh, biz bul munaidan ketemiz. Mysaly qazir internetti alsa, úlken sym bolatyn edi. Qazir ony aitsaq jastar túsinbeidi de. Qazir anaý talshyqtyq optikalyq bailanys liniiasy deidi. Sony salamyz. Biraq bolashaqta ol da kerek bolmai qalady. Óitkeni kóptegen jańa tehnologiialar shyǵyp jatyr. Munaidan da dál solai ketetin shyǵarmyz desek, ketemiz budan da. Sebebi qazir Mańǵystaýda basqa da otyn túrleri shyǵyp jatyr. Germaniianyń investitsiialyq kompaniiasy jasyl sýtegi óndiretin zaýyttyń qurylysyna kiriseiin dep otyr. Ol úlken álemde 9 jerde jasalyp jatqan bolý kerek. Myna bizdiń Mańǵystaýdyń tabiǵaty soǵan qolaily eken. Jel bar, kún bar. Sol jobaǵa kirsek erteń bolashaqta keshegi AES dep jatyr ǵoi, ony da bekerden - beker ǵalymdar aitpaǵan shyǵar. Álem soǵan ketip jatyr. Biz árine munaiǵa táýeldi bolyp otyra bere almaimyz. Qazir ony jasamasaq, erteń kelesi urpaq, arǵy urpaq bizgi naǵilet, bolmasa qarǵys aitatyn shyǵar. Sebebi kezinde sony jasamai kettińizder dep. Munaidyń bitetinin bile tura, daiyndalmadyńdar dep. Sol sebepten qazirden bastap, daiyndyq jumystary júrip jatyr. Ol birinshi ózimiz eldiń bárine kókiregimizdi uryp aitamyz Mańǵystaý aspan astyndaǵy murajai deimiz. Teńiz mynaý. Tabiǵat anaý. Sulý-sulý jerler bar. Biraq bizder sony paidalanbai otyrmyz. Meniń aityp turǵanym týrizm baǵyty.
Týrizm mindetti túrde Kaspii teńiziniń jaǵalaýy emes, basqa da mysaly Arab elderine barsańyzdar bizdiń Bozjyra, Sherqala siiaqty shatqaldar kóp. Biraq onyń bárin bizneske ainaldyryp jibergen. Týrister aǵylyp keledi soǵan. Osy jyly da Dimash Qudaibergenov degen bizdiń áigili baýyrymyz osynda keldi. Dimash qalai jasady? Bozjyraǵa bardy, bizdiń ádemi jerlerge bardy da sol jerlerdiń sýretterin instagram paraqshasyna jariialady. Endi onyń kontsertine álemdik fanattar keledi. Bir ǵana mysal onyń kontsertine Kanadadan keleiin dep jatqan biletterin áýeli Aqtaýǵa alyp, Aqtaýdan Bozjyraǵa soǵyp, Dimashtyń baryp-júrgen jerine sodan keiin baryp Astanaǵa ushqan. Týrist keldi degen sóz árbiri 500 dollardan qaldyryp ketse, árbireýi solai jinalady ǵoi. Dimashtyń Mańǵystaýǵa tigizgen paidasy sol.
Mańǵystaýda ózderińiz bilesizder tabiǵi aýyz sý joq. Bizder sýǵa táýeldimiz. Ata-babamyz buryn qudyq qazyp otyrǵan. Jer astynda tushy sýlar bar. Biraq ol zamanda adam sany basqa, qazir basqa. Myna óndiristik sýdy tutynatyn mekemeler joq. Sondyqtan toqtyń sýymen qanaǵattandyq qoi. «QazMunaiGaz» Jańaózenniń arjaǵynda Toqmaq degen jer bar. Sol jerde 50 myń kýbtyq zaýyt salyp jatyr. Ol qazir úlken qarqynmen júrýde, sodan keiin baryp, myna MAEK-tiń ishinde de 24 myń qosymsha qurylǵylar qoiýymyz kerek. Endi ol adam shoǵyrlanǵan qalalyq jer, qalanyń ainalasyndaǵy eldimekenderdi aityp jatyrmyz. Al myna Aqtaýdan alystaý jatqan aýdandar, aýyldar bar. Ol jerde sý máselesi áli sheshilmegen búgingi tańǵa deiin. Áli sol jer astyndaǵy qudyqtan alyp otyr. Ol ishýge endi jalpy keledi. Biraq tolyq tap-taza dep aita almaimyz. Sebebi onda quramynda azdap tuz bar. Sony tushytý kerek.
Tilshi:
Iá, Shahar ádemi eken. Endi kelesi jyly Aqtaý qalasy - Túrki áleminiń astanasy bolyp bekitildi. Osyǵan bailanysty qandai josparlaryńyz bar?
Ákim:
Jumys jasalyp jatyr, úlken qarqynmen. Bul jerde basty másele qazaqtyń dástúri pash etý. Bizdiń baǵymyzǵa orai osy Aqtaý qalasy sailandy, tańdaldy. Ol jerde jerde ártúrli baǵytta bolady, sport, aqyndar aitysy, ártúrli qolóner sheberleri degen siiaqty. Qai-qai baǵytta da biz pash etýimiz kerek ózimizdi.
Tilshi:
Endi Aqtaý qalasy iri megapoliske ainalýy úshin ne istelýi kerek?
Ákim:
Birinshiden, týrizm. Ózi suranyp tur mine, kórip tursyzdar. Mysaly basqa memleketterde damyǵan memleketterde mynadai bolyp turmaidy. Ol jerlerde qainap jatady tirshilik. Bizde ókinishke orai endi-endi tái-tái basyp kele jatqan sala. Týrizmdi damytý kerek, sosyn infraqurylymmen, sýmen, gazben, toqpen qamtamasyz etý kerek. Qalǵan biznes ózderi alyp ketedi.
Tilshi:
Kýrortty qalaǵa ainaldyrý úshin ne jetispeidi?
Ákim:
Kýrortty qalǵa ainaldyrý úshin jobamen jarty jyldan keiin kezdeseiik. Men sizge aityp beremin ne istegenderimizdi. Qazir jobalar jasaqtalyp jatyr. Jaǵdai jasaý kerek boldy. Bul jerde Meiirjan bylai, bir ǵana formýla investorǵa múmkindik jasaý kerek, kedergi keltirmeý kerek boldy.
Tilshi:
Mańǵystaýdyń shubatyna qyzyǵatyndar kóp. Ony qalai tatymdy qylýǵa bolady? Qalai damytýǵa bolady?
Ákim:
Qazaqstannyń ishinde kóp dep aita almaimyn, biraq sheteldikterden kóp. Olar shubattai ishpeidi vitamin jasaidy, basqa baǵytta qoldanady. Densaýlyq baǵytynda. Endi biz Qytaimen jumys bastap kettik. Eki jobamyz ázirlenip jatyr Shetpe degen jerde. Júrip ketse endi birinshisi, Naýryzǵa deiin bir jaǵyna shyǵaramyz degen úmittemin. Shet elge shyǵarý kerek eksporttan.
Tilshi:
Kaspii teńiziniń jaǵasynda iri týristik ortalyqtar salýǵa múmkindik bar ma?
Ákim:
Bar. Kózińiz jetse «Riksos» tur. Mysaly, tek qana qonaqúilerden bizge 11 milliard salyq túsedi. Ol áli az. Odan eselep kóp bolý kerek.
Tilshi:
Nurdáýlet Igilikuly Mańǵystaý óńiri demografiialyq kórsetkishi boiynsha joǵary eken iá qazir. Halyq sany qansha?
Ákim:
800 myńǵa bardy.
Tilshi:
«Taza Qazaqstan» aktsiiasy qalai júrip jatyr?
Ákim:
Bul prezidentimizdiń initsiativasy. Tek qalanyń ishi emes, teńiz jaǵalaýyn da qamtýǵa tyrysyp jatyrmyz. Jaqsy. Halyqtyń da qushtarlyǵy jaqsy. Árine óz úiiniń taza bolǵanyn kim jaman kóredi. Sondyqtan biz mezgil-mezgilmen qalaǵa, jaǵalaýǵa shyǵyp turmyz. Ótkende tipten ózim tań qalǵanym tipti súńgýirler da kirisip ketti sý astyn tazalaýǵa. Sol jeri árine qýantady. Jańaózende jaqsy ótip jatyr, Aqtaýda jaqsy ótip jatyr. Aýdandarda jaqsy ótip jatyp.
Tilshi:
Sońǵy saýalym bolashaqta Mańǵystaýdy qalai elestetesiz?
Ákim:
Ár ákimniń, ár turǵynnyń armany shyǵar Mańǵystaý oblysy Qazaqstannyń eń birinshi, joǵarǵy deńgeiine, jastary básekelestikke sai, tehnologiiasy damyǵan óńir retinde elestetemin. Bul meniń armanym.
