Túrkistan oblysy ákiminiń birinshi orynbasary Zulpyhar Joldasov Saryaǵash aýdanyna jumys saparymen baryp, aimaqtyń infraqurylymyn damytýǵa baǵyttalǵan mańyzdy nysandardyń qurylysymen tanysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Saryaǵash qalasynda salynyp jatqan kárizdik tazartý qondyrǵysyn aralap, qurylys jumystarynyń barysyn kórdi. Osy rette jaýapty mamandarǵa sapa standarttaryna sáikes jumys isteýdi tapsyryp, ekologiialyq talaptardyń saqtalýyna basa nazar aýdarýdy eskertti. Sondai-aq jumystardy ýaqytynda aiaqtap, qondyrǵyny belgilengen merzimde tapsyrý júkteldi.
Qazirgi tańda, kárizdik tazartý qondyrǵysynyń bioreaktor qabyrǵalary turǵyzylyp, sýdyń shyǵý qubyry ornatylǵan. Elektr jelisi tartylyp, óndiristik ǵimarat qabyrǵalaryn qalaý jumystary júrgizilýde.
Aita keteiik, kárizdik tazartý stantsiiasy iske qosylǵan soń, sarqyndy sýlar ekologiialyq talaptarǵa sai tazartylyp, óńirdegi sý resýrstarynyń sapasy jaqsarady. Bul jergilikti ekologiiaǵa eleýli paida ákeledi dep kútilýde. Mundai jobalar óńirdegi sý resýrstaryn qorǵaý men jergilikti halyqtyń densaýlyǵyn saqtaý úshin mańyzdy ról atqarady.
