- Eń basty talap – Memleket basshysynyń tapsyrmalaryn sapaly jáne ýaqytyly oryndaý. Ótken jyldyń qorytyndysy boiynsha oblys jaqsy áleýmettik-ekonomikalyq kórsetkishterge qol jetkizdi. Osy qarqyndy tómendetpeý kerek, - dep atap ótti óńir basshysy.
Oblystyń áleýeti aitarlyqtai joǵary, alaida aǵymdaǵy jyldyń birinshi aiynda ónerkásip, qaita óńdeý, investitsiia tartý siiaqty salalarda tómendeýge jol berilgen.
Igerilgen qarajattyń kólemi boiynsha aitarlyqtai artta qalýy baiqalǵan. Osy baǵytta biýdjettik baǵdarlamalardyń oryndalý boiynsha jumystardy kúsheitý qajet. Aimaq basshysy birinshi toqsannyń qorytyndysy ótken jyldyń nátijesinen kem bolmaýy tiis ekenin basa aitty.
Jumyssyzdyq deńgeii-4,8 paiyzdy qurasa, ol respýblikalyq ortasha mánniń deńgeiinde. Biraq bul rette oblysta ózin-ózi jumyspen qamtyǵandardyń sany áli de kóp. Sondyqtan "Qazfosfat" JShS jáne "Evrohim" siiaqty jergilikti ónerkásiptiń alyptarymen tyǵyz jumys isteý, óńirge iri otandyq jáne sheteldik investorlardy tartý qajet.
Oblys aýmaǵy arqyly úsh iri gaz qubyry ótedi desek, bul óńirdegi eldi mekenderdi gazdandarýda zor múmkindik beredi. Jiyndy osy jaitqa nazar aýdara kele, oblys ákimi Amangeldi gaz ken ornynyń da qarqyndylyǵyn arttyrý úshin salalyq ministrliktiń kómegimen aýqymdy geologiialyq barlaý jumystaryn júrgizý qajettigin jetkizdi.
Jambyl óńiri agrarlyq aimaq bolyp tabylady. Sondyqtan aýyl sharýashylyǵyn ilgeriletý oblystyń jalpy damýyna yqpal eteri sózsiz. Qazir sýarmaly jerlerdiń kólemin ulǵaitý boiynsha memlekettik qoldaý az emes, sony keńinen paidalaný jáne olardy paidalaný tiimdiligin arttyrý qajet.
Basqosý barysynda egistikterdi ártaraptandyrý, rentabeldi daqyldarǵa, maily daqyldarǵa kóbirek kóńil bólý, jergilikti qant zaýyttaryn odan ári júktemesin arttyrý úshin qant qyzylshasynyń kólemin ulǵaitý mańyzdylyǵy da aityldy. Kún tártibinde kóterilgen máselelerdiń biri – kóktemgi egis jumystaryna daiyndyq, aýyl sharýashylyǵy tehnikasyn ýaqytynda daiyndaý, joǵary sapaly tuqym satyp alý jáne otyrǵyzý boldy.
Berdibek Saparbaev aýyl turǵyndarynyń turmystyq tabysyn arttyrý pilottyq jobasynyń mindetti túrde óz jalǵasyn tabatyndyǵyn, ol bastapqy qarqynynyń tómendemeýin basa aitype, jaýaptylarǵa naqty tapsyrmalar júktedi.
- Aýyl turǵyndary jyl boiy jumyspen qamtylyp, egin sharýashylyǵymen de, mal sharýashylyǵymen de ainalysýy kerek. Bul oraida pilottyq jobaǵa bólingen 7,2 milliard teńge tolyq kólemde igerilýi tiis. Biz jobanyń ómirsheńdigin kórsetýimiz kerek, bul aldaǵy ýaqytta qarjylandyrý kólemin ulǵaitýǵa jáne kóp adamdardyń materialdyq jaǵdaiyn jaqsartýǵa múmkindik beredi, - dep atap ótti oblys basshysy.
Sóziniń sońynda Saparbaev Qordaidaǵy janjalǵa toqtaldy.
"Mundaidy boldyrmaýymyz kerek edi. Eldiń aldynda uiattymyz. Bul tragediia biz úshin sabaq bolý kerek, endigi jerde mundaiǵa jol bermeýimiz qajet. Memorgandar, qoǵam jáne ziialy qaýym bir judyryqqa jumylyp elimizdegi tynyshtyq pen turaqtylyqty saqtaýda qareket qylýy kerek", – dedi Saparbaev.
