Májiliste «Qazaqstan Respýblikasynyń astanasynyń mártebesi týraly» Konstitýtsiialyq zań jobasy qaraldy, dep habarlaidy Dala News.
Májilis depýtaty Nurtai Sabilianovtyń aitýynsha, qujat jańa Konstitýtsiianyń 2-babynyń 4-tarmaǵyn iske asyrý maqsatynda ázirlengen.
«Zań jobasy elordadaǵy jergilikti memlekettik basqarýdyń erekshelikterin, máslihat pen ákimdiktiń qala qurylysy, kóshi-qon jáne kólik salalaryndaǵy ókilettikterin aiqyndaýdy kózdeidi. Sondai-aq astananyń aýmaǵy men qala mańy aimaǵyn, biryńǵai arhitektýralyq kelbeti men dizain-kodyn anyqtaý usynylady. Qazaqstan Respýblikasy Parlamentiniń reglamentine sáikes Ekonomikalyq reforma jáne óńirlik damý komiteti atalǵan zań jobasyn qaraýǵa daiyn. Osy zań jobasy boiynsha Májilisten birlesken komissiia quramyna Nurtai Sabilianov, Marhabat Jaiymbetov, Bolatbek Nájmetdinuly, Nursultan Baitlesov kandidatýralaryn usynamyn. Sonymen qatar qosymsha baiandaýshy retinde Nurtai Sabilianovty belgileý usynylady», – dedi depýtat.
Zań jobasy elordanyń damý erekshelikterin eskere otyryp, onyń quqyqtyq mártebesin naqtylaýǵa baǵyttalǵan.
