ماجىلىستە «قازاقستان رەسپۋبليكاسىنىڭ استاناسىنىڭ مارتەبەسى تۋرالى» كونستيتۋسيالىق زاڭ جوباسى قارالدى، دەپ حابارلايدى Dala News.
ءماجىلىس دەپۋتاتى نۇرتاي سابيليانوۆتىڭ ايتۋىنشا، قۇجات جاڭا كونستيتۋسيانىڭ 2-بابىنىڭ 4-تارماعىن ىسكە اسىرۋ ماقساتىندا ازىرلەنگەن.
«زاڭ جوباسى ەلورداداعى جەرگىلىكتى مەملەكەتتىك باسقارۋدىڭ ەرەكشەلىكتەرىن، ءماسليحات پەن اكىمدىكتىڭ قالا قۇرىلىسى، كوشى-قون جانە كولىك سالالارىنداعى وكىلەتتىكتەرىن ايقىنداۋدى كوزدەيدى. سونداي-اق استانانىڭ اۋماعى مەن قالا ماڭى ايماعىن، ءبىرىڭعاي ارحيتەكتۋرالىق كەلبەتى مەن ديزاين-كودىن انىقتاۋ ۇسىنىلادى. قازاقستان رەسپۋبليكاسى پارلامەنتىنىڭ رەگلامەنتىنە سايكەس ەكونوميكالىق رەفورما جانە وڭىرلىك دامۋ كوميتەتى اتالعان زاڭ جوباسىن قاراۋعا دايىن. وسى زاڭ جوباسى بويىنشا ماجىلىستەن بىرلەسكەن كوميسسيا قۇرامىنا نۇرتاي سابيليانوۆ، مارحابات جايىمبەتوۆ، بولاتبەك ناجمەتدين ۇلى، نۇرسۇلتان بايتلەسوۆ كانديداتۋرالارىن ۇسىنامىن. سونىمەن قاتار قوسىمشا بايانداۋشى رەتىندە نۇرتاي سابيليانوۆتى بەلگىلەۋ ۇسىنىلادى»، – دەدى دەپۋتات.
زاڭ جوباسى ەلوردانىڭ دامۋ ەرەكشەلىكتەرىن ەسكەرە وتىرىپ، ونىڭ قۇقىقتىق مارتەبەسىن ناقتىلاۋعا باعىتتالعان.
